Halla Tómasdóttir forseti Íslands setti í gær 156. löggjafarþing Íslendinga. Þingmenn voru mættir í sínu fínasta pússi en urðu að taka mið af snjókomunni við fatavalið.

Íslenski þjóðbúningurinn var áberandi en hann varð fyrir valinu hjá Þorgerði Katrínu Gunnarsdóttur, Höllu Hrund Logadóttur, Kolbrúnu Áslaugar Baldursdóttur og Guðrúnu Hafsteinsdóttur.

Það vakti athygli að lítið var um svarta litinn. Það voru litir eins og sægrænn, ljósbrúnn og vínrauður sem tóku yfir og vetrarhvítu ullarsjölin sem komu sér vel í veðrinu.