Söng- og leik­kon­an Lady Gaga klædd­ist ís­lenskri hönn­un við sér­staka mynda­töku í til­efni þátt­araðar núm­er fimm­tíu af vin­sælu þátt­un­um Sat­ur­day Nig­ht Live á dög­un­um. Á mynd­inni ligg­ur hún á rauðum velúr­bekk, í rauðum hlýra­laus­um kjól og í rauðum skóm frá ís­lenska fylgi­hluta­merk­inu Kalda.

Ljós­mynd­ar­inn Mary Ell­en Matt­hews tek­ur all­ar mynd­ir fyr­ir SNL. Kalda deildi mynd af stór­stjörn­unni á In­sta­gramog skrifaði: „Lady Gaga í Mari-skón­um.“

Það er stór­frétt þegar stjarna á borð við Lady Gaga klæðist ís­lenskri hönn­un.

Frétt af mbl.is

Katrín Alda hlýt­ur Indriðaverðlaun­in

Skór fyr­ir stjörn­ur

Katrín Alda Rafns­dótt­ir er eig­andi og hönnuður merk­is­ins sem var stofnað árið 2016. Í viðtali Smart­lands við Katrínu á síðasta ári sagðist hún selja mikið til út­landa og þá aðallega til Banda­ríkj­anna. Þá hafa stór­stjörn­ur eins og Camila Ca­bello, Emma Louise Corr­in, syst­urn­ar Bella og Gigi Hadid og Elsa Hosk klæðst skóm frá Kalda. Hún tók einnig fram að Íslands­markaður væri henni ein­stak­lega kær.

„Ég er með al­manna­tengil í London sem sér um að senda stíl­ist­um þeirra, það fer oft í gegn­um þau eða í gegn­um In­sta­gram. Það var mjög gam­an þegar Bella var í skón­um, við höfðum gefið henni par í gegn­um stíl­ist­ann sem hún síðan klædd­ist við „90´s Gucci-look“ sem ein­mitt Stein­unn Sig­urðardótt­ir hannaði. Það var gam­an að hafa hana í al­veg ís­lenskri hönn­un í einu besta út­liti sem ég hef séð. Hún sendi síðan mér skila­boð á In­sta­gram og bað um fleiri skó þannig að þetta er svona alla­vega sem þetta ger­ist,“ sagði hún meðal ann­ars í viðtal­inu.

Þetta mun án efa vekja at­hygli heims­ins á ís­lenska fylgi­hluta­merk­inu sem er í mik­illi sókn hér á landi og er­lend­is.

Tengd­ar frétt­ir

Fata­stíll­inn

Kemst ekki á sal­ernið í Met Gala-fatnaðinum

• Sauma­nám­skeið sem fór úr bönd­un­um
• Hvað má bú­ast við að sjá á Met Gala?
• Þess­ar bux­ur verða aðal­málið í sum­ar
• Galla­bux­urn­ar sem Katrín fær ekki nóg af

» Fleiri tengd­ar frétt­ir

• Blogga um frétt