Undanfarin ár hefur fermingartískan orðið litríkari og persónulegri en áður. Hvítir og kremlitaðir blúndukjólar passa auðvitað alltaf við tilefnið en það má líka klæðast ljósum litum sem minna á vorið.

Það eru í raun engar reglur en þægindin verða að vera til staðar. Hvítir strigaskór ganga vel upp við kjóla og fínni buxur og er vinsæll skóbúnaður á fermingardaginn. Svokallaðir ballerínuskór eru einnig í tísku um þessar mundir og mikið úrval í verslunum í mörgum mismunandi litum. Fallegt skart og loðinn jakki setja svo punktinn yfir i-ið.