Óæskilegur hárvöxtur, hvað skal gera?

Jenna Huld Eysteinsdóttir húð- og kynsjúkdómalæknir á Húðlæknastöðinni svarar spurningum lesenda Smartlands. Hér fær hún spurningu frá konu sem glímir við óæskilegan hárvöxt á höku.

Sæl Jenna Huld.

Ég er með hárvöxt á hökunni sem plagar mig mikið. Hárin eru flest ljós og er því ekki hægt að fjarlægja þau með laser. Ég plokka mig mikið, að minnsta kosti einu sinni á dag, og finnst mjög leiðinlegt að sjá hökuna alltaf úti í sárum og með grófa áferð. Hvað er besta að gera?

Sæl og blessuð!

Það er hvim­leitt að vera með ljós hár á hök­unni þar sem það er ein­mitt ekki hægt að fjar­lægja þau með há­reyðing­ar­laser. Það er samt ým­is­legt annað hægt að gera. Í svona til­fell­um þar sem um ræðir bæði ljós hár og grófa áferð á húðinni not­um við húðlækn­ar oft lyfs­seðils­skylt lyf sem er í krem­formi og heit­ir Van­iqua.

Lyfið inni­held­ur virka inni­halds­efnið eflornitín en það dreg­ur úr hár­vexti með því að hafa áhrif á til­tekið ensím (pró­tín í lík­am­an­um sem tek­ur þátt í hár­mynd­un). Það þarf að nota það dag­lega því um leið og notk­un hætt­ir byrja hár­in aft­ur að vaxa. Ann­ar val­kost­ur er að gera reglu­lega rakst­ur á húðinni með beitt­um hníf sem er hægt að kaupa sér­stak­lega á t.d. Amazon og kall­ast á ensku „dermaplan­ing“.

Það að hár­vöxt­ur verði meiri við rakst­ur og það komi gróf­ari húð á eft­ir á er mýta og því al­gjör­lega óhætt að raka var­lega þessu fínu hár reglu­lega. Ekki skemm­ir fyr­ir að þú ert á sama tíma að fjar­lægja dauðar húðfrum­ur af húðinni og þá í raun­inni að fram­kvæma þína eig­in húðslíp­un heima fyr­ir. Að fjar­lægja dauðar húðfrum­ur af yf­ir­borði húðar­inn­ar greiðir bæði leiðina fyr­ir húðvör­urn­ar þínar inn í húðina og bæt­ir einnig út­lit húðar­inn­ar. Slærð tvær flug­ur í einu höggi. Mik­il­vægt er að nota hnífs­blaðið í 45 gráðum og fara var­lega til að erta ekki húðina of mikið og nota góð krem eft­ir á til að mýkja upp húðina og bæta varn­ar­lag húðar­inn­ar.

Vona að þetta hjálpi og gangi þér vel,

Jenna Huld Eysteinsdóttir,
Húð- og kynsjúkdómalæknir, MD, PhD
Húðlæknastöðin

Ligg­ur þér eitt­hvað á hjarta? Þú get­ur sent Jennu Huld spurn­ingu HÉR

• Blogga um frétt