Berg­lind Óskars­dótt­ir fata­hönnuður stofnaði barnafata­merkið Bibi & Bella árið 2019 í Mílanó á Ítal­íu. Fyrstu viðtök­urn­ar voru góðar og seld­ist all­ur lag­er­inn fljótt upp. Stuttu síðar hófst heims­far­ald­ur­inn og Berg­lind ákvað að hvíla merkið í svo­lít­inn tíma. Síðasta haust tók hún þá ákvörðun að end­ur­vekja merkið og verður hún með inn­setn­ingu í versl­un­inni Evu á Lauga­vegi meðan á Hönn­un­ar­mars stend­ur. Þar má bú­ast við að sjá skraut­leg­ar flík­ur sem saumaðar eru eft­ir sér­pönt­un á yngstu kyn­slóðina.

Frétt af mbl.is

Þetta ber hæst á Hönn­un­ar­mars í ár

„Ég er svaka­lega glys­gjörn. Ég ætlaði alltaf að verða gullsmiður en ég komst ekki inn. Ég var mjög von­svik­in á sín­um tíma,“ seg­ir Berg­lind og hlær. „Ég fékk að leika mér með skart­gripi ömmu minn­ar og elska allt sem glitr­ar. Ég varð að koma við öll efni og steina.“

Bibi & Bella er lúxusmerki fyr­ir stúlk­ur á aldr­in­um 4-12 ára. Merkið býður upp á yf­ir­hafn­ir og fylgi­hluti úr hágæðaefn­um. Mark­miðið er að skapa tíma­laus­ar og draum­kennd­ar flík­ur sem bæði end­ast og erf­ast. Inn­blást­ur Berg­lind­ar kem­ur frá dúkku­lís­um, eldri skart­grip­um, ít­ölsk­um lúx­us og göml­um æv­in­týr­um.

„Dótt­ir mín var lít­il, ég var ný­skriðin úr námi og far­in að hugsa hvað mig langaði að gera í fram­hald­inu. Ég hafði verið að skoða markaðinn og fannst stóru merk­in vera far­in að bæta við sig svona fatalín­um og mér fannst þetta áhuga­verð nálg­un fyr­ir mig,“ seg­ir Berg­lind.

„Við kynnt­um merkið með opn­un í Mílanó sem gekk mjög vel. Allt seld­ist upp sem ég átti á lag­er. En tveim­ur mánuðum síðar kom heims­far­ald­ur­inn og þá var fólk ekk­ert að fara neitt fínt. Aðrir hlut­ir komu í kjöl­farið og ég ákvað að setja þetta á smá pásu.“

Berg­lind kynn­ir fata­merkið á Hönn­un­ar­mars. Ljós­mynd/​Saga Sig

Ekki til­bú­in að loka þess­um kafla

Berg­lind hóf störf við markaðssetn­ingu hjá skart­gripa­fyr­ir­tæki í millitíðinni. Hún seg­ir það hafa verið mik­inn lær­dóm og þar hafi hún fengið að kynn­ast ann­arri hlið.

„En þetta var alltaf að kalla á mig til baka og mig langaði að klára hug­mynd­ina, mér fannst ég ekki búin með þetta. Ég ákvað svo að end­ur­vekja þetta,“ seg­ir Berg­lind.

Berg­lind býr enn þann dag í dag ásamt fjöl­skyld­unni í Mílanó. „Við erum enn hér úti og höf­um verið í níu ár. Við flutt­um upp­haf­lega út vegna náms­ins míns og hér er ég enn. Börn­in eru líka í sín­um skól­um og líður vel,” seg­ir hún. „Ég fæ oft spurn­ing­una um hvenær ég ætli að flytja heim. Ég veit það er með góðum huga gert,“ bæt­ir hún við hlæj­andi.

Síðasta haust ákvað Berg­lind ásamt klæðsker­an­um Lauru Bellati að koma Bibi & Bellu aft­ur í gang. Föt­in frá merk­inu eru aðallega fín­ar yf­ir­hafn­ir fyr­ir sér­stök til­efni með skraut­leg­um bróder­ing­um, handsaumuðu skrauti á flík­urn­ar og fylgi­hluti.

„Við vinn­um eins og klæðsker­ar, hönn­un­ar­ferlið fer í gegn­um mig en Laura saum­ar þetta óaðfinn­an­lega. Það skipt­ir mig miklu máli að velja gæði fram yfir magn og með sér­pönt­un­um skap­ast per­sónu­leg nálg­un við kúnn­ann.“

„Ég er svaka­lega glys­gjörn. Ég ætlaði alltaf að verða gullsmiður en ég komst ekki inn. Ég var mjög von­svik­in á sín­um tíma.“ Ljós­mynd/​Saga Sig

Eft­ir­sótt­ir Sw­arovski-stein­ar

Hverju má fólk bú­ast við frá þér á Hönn­un­ar­mars? „Ég verð með nýja og eldri stíla til sýn­is eins og skikkjukáp­ur, káp­ur og fylgi­hluti,“ svar­ar Berg­lind.

Einnig verður hægt að sér­p­anta flík­ur frá Bibi & Bellu. „Sem stend­ur er þetta sniðið að hverj­um og ein­um.“

Fyr­ir hvaða til­efni hef­ur fólk verið að versla frá ykk­ur?

„Und­an­farið hef­ur verið vin­sælt að panta föt fyr­ir brúðkaup. Við erum að fá pant­an­ir frá Mílanó, Íslandi og Frakklandi.“

Það hjálp­ar til að vera staðsett­ur í einni af tísku­borg­um heims að mati Berg­lind­ar því aðgengið að góðum efn­um gæti varla verið betra.

„Við versl­um efni við eina fín­ustu efna­búð Mílanó. All­ir stein­ar sem við not­um í bróder­ing­ar eru Sw­arovski-stein­ar sem eru orðnir mjög eft­ir­sótt­ir núna. Það er sleg­ist um þessa steina. Ég versla þá í pínu­lít­illi efna­búð þar sem þeir eru verndaðir eins og gull og það er alltaf gam­an að fara þangað,“ seg­ir Berg­lind.

Hver eru framtíðaráformin? „Halda áfram að reyna að stækka þetta litla ástríðuverk­efni mitt. Við ætl­um að vera leng­ur úti og ein­beita okk­ur að nú­inu.“

Opn­un­ar­boð verður þann 3. apríl frá kl. 18-20 í versl­un­inni Evu á Lauga­vegi.

„Við kynnt­um merkið með opn­un í Mílanó sem gekk mjög vel. Allt seld­ist upp sem ég átti á lag­er." Ljós­mynd/​Saga Sig

Tengd­ar frétt­ir

Hönn­un­ar­Mars

Hulda Hall­dóra og Gréta í ríf­andi stuði

• Vin­sæl­ustu hönnuðir lands­ins héldu partý
• Best klædda fólkið í sum­arpartýi Hild­ar Yeom­an
• Mik­ko Put­on­en og Ane Lynge í trylltu stuði
• Hönn­un er ekki bara álegg ofan á brauð

» Fleiri tengd­ar frétt­ir

Hönn­un­ar­Mars

Björn Huga­son hélt tískupartý í Ki­osk

• Har­ald­ur Þor­leifs lét sig ekki vanta
• Birgitta Líf mætti með son­inn í tísku­teiti
• Yf­ir­hönnuður Lou­is Vuitt­on í Reykja­vík
• 75 ára og ætl­ar aldrei að setj­ast í helg­an stein

» Fleiri tengd­ar frétt­ir

Fata­stíll­inn

Seg­ir upp störf­um eft­ir níu ár

• Í hverju get­urðu verið í brúðkaupi bestu vin­konu þinn­ar?
• Eru þetta þægi­leg­ustu sum­ar­föt­in?
• Prins­ess­an fór alla leið í lit sum­ars­ins
• Íslensk fyr­ir­sæta í nýj­ustu her­ferð Zöru

» Fleiri tengd­ar frétt­ir

Barna­föt

Mark­miðið er end­ur­reisn ís­lenska þjóðbún­ings­ins

• Nýtt ís­lenskt barnafata­merki á Lauga­veg­in­um
• Mayoral opn­ar á Íslandi
• „Alltaf best að hafa mömmu hjá sér“
• 5 ára dótt­ir­in með 5,8 millj­óna Rol­ex-úr

» Fleiri tengd­ar frétt­ir

• Blogga um frétt