Það er flík sem verður mun meira áber­andi þegar Borg­ar­túnið nálg­ast. Lang­stærsti hluti þeirra sem klæðast flík­inni eru karl­menn, þær kjósa of­ur­konujakk­ann frek­ar. Þetta er al­geng­ast í svört­um lit en dökk­blái lit­ur­inn er einnig feiki­lega vin­sæll. Flík­in er létt dún­vesti, yf­ir­leitt með Primaloft-fyll­ingu sem hef­ur ein­hverra hluta vegna fengið nafnið „vondu­karla­vestið.“

Frétt af mbl.is

Er of­ur­konujakk­inn dauður?

Vestið er að sumu leyti orðið ein­kenn­is­bún­ing­ur karla í fjár­mála­geir­an­um. Hvort sem þeir séu vond­ir eða góðir þá er til­gang­ur­inn með þess­um pistli ekki að skera úr um það.

Það voru ekki ís­lensk­ir fjár­málasnill­ing­ar sem voru fyrst­ir til með þessa tísku­bylgju þó þeir hafi svo sann­ar­lega tekið ást­fóstri við hana. Vestið er jafn áber­andi í kring­um Li­verpool Street í London og á Wall Street í New York og hef­ur verið kennt við „Fin­ance Bro's“ á enskri tungu sem má þýða sem fjár­mála­brós­ar.

Einnig má setja spurn­inga­merki við það hvort hægt sé að kalla þetta tísku­bylgju, rétt­ara væri að tala um dvöl vest­is­ins yfir ákveðið tísku­tíma­bil vegna þeirra fjölda ára sem vin­sæld­ir þess hafa varið. En þó að það verði að viður­kenna að sum þess­ara vesta eru ansi flott þá tek­ur leiði við þegar hlut­ur, flík eða jafn­vel per­sóna nýt­ur of mik­illa vin­sælda í lengri tíma.

Það verður ekki deilt um nota­gildi vest­is­ins eða praktík­ina því hún er svo sann­ar­lega til staðar. Það vita flest­ir að starfs­menn í þess­um geira hringja fjöl­mörg sím­töl og ná hátt í tólfþúsund skref­um á dag með því að ganga í hringi. Yf­ir­leitt frek­ar stressaðir og því get­ur fylgt sviti. Þá er erfitt að klæðast þröng­um jakkafatajakka eða ullarpeysu og betra að skella vest­inu beint yfir skyrt­una. Vest­inu er þó oft skipt út fínni jakka þegar mik­il­væg­ir fund­ir eiga sér stað en er þó aldrei langt und­an. Á kald­ari dög­um er vestið notað und­ir ullar­frakka vegna ein­angr­andi eig­in­leika. 

Vestið er al­geng­ara á meðal þeirra sem yngri eru, eru jafn­vel nýir í starfi og vilja láta taka sig al­var­lega á meðal koll­ega sinna. Eldri og reynd­ari nota þessa flík eins og henni var ætlað til, í er­inda­gjörðum sem krefst sport­legri og af­slappaðri klæðnaðar.

Hvaða flík kem­ur í staðinn?

Nú verður þeim sem vilja breyta til vandi á hönd­um. Ef starfsmaður fjár­mála­fyr­ir­tæk­is í Borg­ar­túni fer í flísvesti gæti hann átt von á því að vera ruglað við starfs­mann í aug­lýs­inga­geir­an­um. Ull­ar­vestið ætti að vera betri kost­ur því það minn­ir frek­ar á af­ann sem all­ir treysta. Stang­veiðimenn eiga vax­borna vestið al­veg svo nú flækj­ast mál­in. Það er þó aðeins meiri töffara­skap­ur yfir þykku dún­vest­un­um, ekki þeim með Primaloft-fyll­ing­unni, þau eru hlýrri en jafn­vel of hlý fyr­ir þá sem verður iðulega heitt í hamsi.

Best væri auðvitað að leggja vondu­karla­vest­inu al­farið. 

Blaðamaður er ekki á móti fólki í fjár­mála­geir­an­um en hef­ur kosið að nota orðið vondu­karla­vesti eins oft og hægt er húm­ors­ins vegna.

Tengd­ar frétt­ir

Fata­stíll­inn

Skims opn­ar versl­un í Lund­ún­um

• Katrín sló í gegn með eyrna­lokka Díönu prins­essu
• „Ég er alltaf að setja mig í yf­ir­hafna­bann“
• Steldu stíln­um af Þor­gerði Katrínu
• Andrea og Arn­ór fengu boð í höll­ina

» Fleiri tengd­ar frétt­ir

Edda Gunn­laugs­dótt­ir tískup­istl­ar

Don­ald Trump þótti skringi­leg­ur til fara í út­för­inni

• Bestu galla­bux­urn­ar í versl­un­um núna
• Tók sig til og fór í svarta skó
• Helstu tísku­straum­arn­ir fyr­ir vorið
• Klædd­ust ljósu í von um bjart­ari tíma

» Fleiri tengd­ar frétt­ir

• Blogga um frétt