Frakkar samþykkja frumvarp gegn Shein

Öld­unga­deild Frakk­lands samþykkti frum­varp sem á að minnka um­svif hraðtísku­fyr­ir­tækja. Frum­varpið fel­ur í sér bann á aug­lýs­ing­um og refsiaðgerðir gegn fyr­ir­tækj­um sem fram­leiða hraðtísku.

Frum­varp­inu er sér­stak­lega beint að net­versl­un­inni Shein sem er þekkt fyr­ir að selja ódýr föt í lé­leg­um gæðum. Frum­varpið á ekki að hafa áhrif á frönsk og evr­ópsk fyr­ir­tæki eins og Zöru og H&M.

Frétt af mbl.is

Óhugn­an­legt magn eit­ur­efna í vör­um frá Temu, Shein og AliExpress

„Frum­varpið er stórt skref í bar­átt­unni gegn efna­hags­leg­um og um­hverf­is­leg­um áhrif­um hraðtísku og send­ir sterkt skila­boð til fyr­ir­tækja og neyt­enda,“ sagði Agnes Pannier-Runacher, ráðherra vist­fræðilegra um­skipta, eft­ir að niður­stöður at­kvæðagreiðslunn­ar voru kynnt­ar.

Frum­varpið var samþykkt af 337 þing­mönn­um öld­unga­deild­ar gegn ein­um á þriðju­dag en það hafði þegar verið samþykkt af þjóðþingi Frakk­lands fyr­ir rúmu ári síðan. Fram­kvæmda­stjórn Evr­ópu­sam­bands­ins hef­ur verið lát­in vita af frum­varp­inu en hún úr­sk­urðar hvort frum­varpið stang­ist á við lög sam­bands­ins.

Þreföld ógn

Pannier-Runacher seg­ir frum­varpið boða strang­ari refsiaðgerðir á hraðtísku­fyr­ir­tæki sem verði gef­in ein­kunn fyr­ir „um­hverf­is­sam­skipti“. Þessi „um­hverf­is­stig“ munu hafa áhrif á öll hraðtísku­fyr­ir­tæki. Fyr­ir­tæk­in sem fái lægstu ein­kunn­irn­ar verði skatt­lögð af stjórn­völd­um.

Pannier-Runacher seg­ir hraðtísku þre­falda ógn sem stuðli að of­neyslu, sé óum­hverf­i­s­væn og ógni frönsk­um fata­fyr­ir­tækj­um.

Markaður fyr­ir hraðtísku­vör­ur er vax­andi í Frakklandi en um 48 flík­ur á hvern íbúa eru sett­ar á markað í Frakklandi á hverju ári og 35 flík­um er hent á hverri sek­úndu.

• Blogga um frétt