Það vakti at­hygli í vik­unni þegar leik­kon­an Zendaya mætti óvænt í fata­versl­un­ina Mamm­a­Mia Vinta­ge sem er til húsa í Bergstaðastræti í Reykja­vík. 

Blaðamaður Smart­lands heim­sótti fata­versl­un­ina Mamm­a­Mia Vinta­ge sem er í eigu Anítu Bjart­ar Sig­ur­jóns­dótt­ur og Sigrún­ar Guðnýj­ar Karls­dótt­ur. Þær hafa rekið versl­un­ina í tvö ár eða frá því að þær héldu sinn fyrsta poppöpp viðburð.

Hug­mynd­in að versl­un­inni kviknaði þegar þær Aníta og Sigrún bjuggu á Ítal­íu og fóru reglu­lega á markaði í leit að flott­um vinta­ge-flík­um. Þeim fannst greini­lega skorta úr­val af slíku hér heima og ákváðu því að stökkva út í rekst­ur­inn.

All­ir vilja finna sér eitt­hvað ein­stakt

Fyr­ir nokkr­um árum var það ekki talið eft­ir­sókn­ar­vert að klæðast notuðum föt­um, en nú hef­ur viðhorfið breyst og fólk sér tæki­færi í að finna ein­staka flík á góðu verði. Vinta­ge-föt hafa því orðið gríðarlega vin­sæl.

„Við feng­um mjög góðar mót­tök­ur strax þegar við byrjuðum, og það er klár­lega meira í tísku núna að klæðast vinta­ge-föt­um en áður fyrr,“ seg­ir Sigrún.

Zendaya og Add­i­son Rae hafa verslað í búðinni

Rekst­ur­inn hef­ur gengið frá­bær­lega og hef­ur búðin vakið mikla at­hygli, svo mikla að heims­fræg­ar stjörn­ur eins og leik­kon­an Zendaya og söng­kon­an Add­i­son Rae hafa meðal ann­ars verslað í búðinni. 

„Við leggj­um mjög mikla vinnu í að finna flott­ar vör­ur þannig mögu­lega hafa þær séð okk­ur á sam­fé­lags­miðlum eða ein­fald­lega gengið fram­hjá búðinni. Það er smá sjokk en ótrú­lega gam­an þegar svona frægt fólk kem­ur inn og sýn­ir að maður er greini­lega að gera eitt­hvað rétt,“ seg­ir Sigrún.

Pels­arn­ir þeirra ein­kenn­is­flík

Mesta eft­ir­spurn­in er eft­ir Y2K-bol­um, en pels­arn­ir hafa þó slegið ræki­lega í gegn og má segja að það sé ein­kenn­is­flík versl­un­ar­inn­ar. Á sumr­in eru leður­jakk­arn­ir einnig sér­stak­lega vin­sæl­ir.

Þegar Sigrún er spurð um framtíðar­plön Mamm­a­Mia seg­ir hún:

„Við vilj­um halda áfram að reka versl­un­ina hér í bæn­um og okk­ur lang­ar ótrú­lega mikið að stefna með búðina út í heim.“

Frétt af mbl.is

Zendaya sást rölta um miðbæ­inn fyrr í dag

Sigrún Guðný og Aníta Björt eig­end­ur Mamma Mia Vinta­ge. Ljós­mynd/Á​gúst

Tengd­ar frétt­ir

Frama­kon­ur

Sam­keppni meðal kvenna meiri en karla

• Áslaug Arna: „Þetta er stór ákvörðun að taka“
• Stofnaði fyr­ir­tæki aðeins 17 ára göm­ul
• „Það tók mig tíma að aðlag­ast Íslandi“
• Hannaði sjó­böð við Hörpu

» Fleiri tengd­ar frétt­ir

Fata­stíll­inn

Ein­tóm­ir kú­rek­ar í Vagla­skógi

• Steldu stíln­um af Sögu Sunn­evu Klose
• Allt sem þú þarft fyr­ir Versló
• Kjól­ar stjarn­anna skildu lítið eft­ir fyr­ir ímynd­un­ar­aflið
• Tvífar­ar Lauga­vegs­hlaups­ins 2025

» Fleiri tengd­ar frétt­ir

• Blogga um frétt