Víkingur slapp með skrekkinn

Víkingur náði að halda út gegn Fram í skemmtilegum leik í Bestu deild karla í knattspyrnu í Víkinni í kvöld. Leikurinn endaði 2:1 fyrir heimamönnum.

Víkingur er á toppi deildarinnar með 33 stig og náði með sigrinum sjö stiga forskoti á Breiðablik, sem á leik til góða. Fram er áfram í 6. sæti með 16 stig.

Víkingar fengu fyrsta færi leiksins eftir um stundarfjórðung. Karl Friðleifur Gunnarsson tók sprett upp völlinn, fór framhjá tveimur varnarmönnum og sendi boltann fyrir á Danijel Djuric sem fór í fast skot en Ólafur Íshólm varði vel.

 Tveimur mínútum seinna fékk Oliver Ekroth hættulegt færi eftir hornspyrnu þegar hann var ódekkaður í teignum en Ólafur varði aftur vel.

Á 20. mínútu kom fyrsta mark leiksins en það skoraði Valdimar Þór Ingimundarson. Gunnar Vatnhamar kom með sendingu á fjær þar sem Valdimar var illa dekkaður og setti boltann í markið í fyrstu snertingu, á lofti, 1:0.

Framarar náðu góðum kafla eftir markið, spiluðu sig vel út úr pressu en voru ekki nógu hnitmiðaðir á lokaþriðjungnum.

Kennie Chopart komst í fínt færi en miðvörðurinn fékk sendingu yfir vörn Víkings frá Kyle Mc Lagan og fór í áttina að Víkingsmarkinu en skotið hans var laust, hátt upp í loftið og beint á Pálma Rafn Arinbjörnsson í markinu.

Á 33. mínútu kom Magnús Þórðarson boltanum í markið hjá Víkingum eftir frábært spil. Fred Saraiva skildi boltann eftir fyrir Harald Einar Ásgrímsson sem sendi glæsilega sendingu á ennið á Magnúsi sem skallaði hann í netið en flaggið fór á loft og staðan ennþá 1:0 fyrir heimamönnum.

Danijel skoraði svo annað mark Víkings sem kom á 39. mínútu, Karl kom með flotta sendingu fyrir og Danijel negldi boltanum í markið á lofti, 2:0.

Framörum gekk ágætlega í seinni hálfleik, héldu í boltann og voru að skapa færi og á 57. mínútu minnkuðu þeir muninn. Magnús Þórðarson sendi boltann fyrir og Guðmundur Magnússon skallaði boltann í netið, 2:1.

Framarar héldu áfram að sækja og voru nálægt því að jafna metin en það vantaði alltaf herslumuninn. Komust tvisvar sinnum inn í teig Kennie og Már, mennirnir sem fengu færin gátu ekki nýtt þau.

Fram lá í sókn undir lokin en boltinn vildi ekki inn og Víkingar tóku öll þrjú stigin.

Víkingur R.	2:1	Fram	Opna lýsingu Loka
90. mín. Leik lokið
Augnablik — sæki gögn...

• Blogga um frétt