Framherjinn Viktor Jónsson skoraði fjögur mörk þegar að ÍA fór afskaplega illa með HK, 8:0, í 13. umferð Bestu deildarinnar í fótbolta á Akranesi í dag.
Skagamenn eru nú með20 stig í fjórða sæti deildarinnar en HK er með 13 stig í níunda sætinu.
Jón Gísli Eyland Gíslason skoraði fyrsta mark HK eftir að hann fékk sendingu frá Jóhannesi Birni Vall og skot hans fór undir Arnar Frey Ólafsson og í netið, 1:0.
Erik Sandberg skoraði annað mark Skagamanna með skalla eftir hornspyrnu Arnórs Smárasonar.
Jón Gísli var aftur á ferðinni á 34. mínútu þegar að hann skoraði með skoti utan teigs, 3:0.
Þá var komið að Viktori Jónssyni en hann skoraði næstu fjögur mörk Skagamanna. Öll voru alvöru framherjamörk og er Viktor kominn með tólf mörk í Bestu deildinni núna.
Áttunda mark Skagamanna skoraði Jóhannes Björn Vall með góðri afgreiðslu.
ÍA heimsækir Fylki í næstu umferð en HK heimsækir FH.