Einn af lykilleikmönnum Vals Berglind Rós Ágústsdóttir, landsliðskona í fótbolta, er á leiðinni í eins leiks bann.
Hún var úrskurðuð í bannið vegna fjögurra gulra spjalda af aga- og úrskurðarnefnd KSÍ í dag.
Hún missir þar með af útileik Vals gegn Stjörnunni næstkomandi föstudagskvöld.
FH-ingarnir Ólafur Guðmundsson og Jóhann Ægir Arnarsson eru báðir á leiðinni í eins leiks bann vegna fjögurra gulra spjalda. Þeir missa af útileik FH gegn KR.
Þá er Víkingurinn Ari Sigurpálsson á leiðinni í eins leiks bann vegna fjögurra gulra spjalda og missir af heimaleiknum gegn Vestra.
Ragnar Bragi Sveinsson, fyrirliði Fylkis, er sömuleiðis á leið í eins leiks bann vegna fjögurra gulra spjalda og missir af heimaleik gegn KA.