Afturelding sigraði í svakalegum leik
Setja bókamerki
Afturelding hafði betur gegn Fjölni, 3:1, í fyrri leik liðanna í umspili 1. deildar karla í knattspyrnu.
Seinni leikurinn fer fram á mánudaginn klukkan 15:45 á heimavelli Fjölnis í Grafarvoginum.
Fyrsta mark leiksins kom á annarri mínútu en Aron Jóhannsson skoraði það fyrir Aftureldingu. Það kom eftir glæsilegt hlaup frá Hrannari Snæ Magnússyni upp vinstri kantinn sem lagði boltann út í teiginn á Aron sem hamraði boltanum í netið.
Leikurinn róaðist í kjölfarið. Fjölnismenn voru meira með boltann en náðu ekki að skapa sér nein dauðafæri.
Elmar Kári Enesson Cogic fékk gott færi á 19. mínútu til að tvöfalda forystu Aftureldingar. Aron Elí Sævarsson kom með fastan bolta fyrir markið á Elmar Kára sem átti slakt skot beint á Halldór Snæ Georgsson í marki Fjölnis.
Staðan 1:0, Aftureldingu í vil í hálfleik.
Síðari hálfleikur byrjaði mjög rólega líkt og sá fyrri endaði.
Fjölnir jafnaði metin á 64. mínútu með marki frá Daníel Ingvari Ingvarssyni. Júlíus Mar Júlíusson átti sprett upp völlinn og kom síðan með góða stungusendingu á Daníel Ingvar sem skoraði.
Aðeins fjórum mínútum síðar kom Elmar Kári Enesson Cogic Aftureldingu aftur yfir með góðu marki. Elmar fékk boltann hægra megin í teignum, tók nokkur skæri og negldi síðan boltanum í nærhornið.
Sigurpáll Melberg Pálsson innsiglaði sigur Aftureldingu með glæsilegu marki á lokamínútu venjulegs leiktíma. Sigurpáll fékk boltann rétt utan teigs og negldi boltanum í vinkilinn.
Á þriðju mínútu uppbótartíma fór varamaðurinn Sævar Atli Hugason niður í teig Fjölnis og benti Þórður Þorsteinn Þórðarson, dómari leiksins, á punktinn. Elmar Kári tók vítaspyrnuna en Halldór Snær fór í rétt horn og varði frá honum.
Lokaniðurstöður í kvöld, 3:1 sigur Aftureldingu sem fer með tveggja marka forystu í síðari leikinn.
Eftir leik fékk Elmar Kári rautt spjald sem þýðir að hann er í leikbanni í næsta leik.
Aðrir virkir leikir
| FH | 33:30 | ÍBV |
|
|---|---|---|---|
| Kári Kristján Kristjánsson (ÍBV) skoraði mark | |||
| Atalanta | 0:0 | Arsenal |
|
|---|---|---|---|
| Leik lokið 0:0 - Bragðdauft jafntefli staðreynd. Atalanta komst næst því að vinna þennan leik en David Raya varði vítaspyrnu Mateo Retegui. | |||
Leiklýsing
| Afturelding | 3:1 | Fjölnir |
|
|---|---|---|---|
| Sigurpáll Melberg Pálsson (Afturelding) skorar 3:1 - Þvílíkt mark! Boltinn dettur fyrir Sigurpál rétt utan teigs sem neglir boltanum í vinkilinn. | |||
Búið að fella björninn
Of margir nemendur og ákall um hæft starfsfólk
Hætta vegna jarðfalls í sprungur metin töluverð
Algeng laun 1,4 til 2,2 milljónir
„Hví erum við dýrasta land í heimi?“
Fjarskiptatæki um alla borg sprungu samtímis
Mikilvægt að úrræði séu endurskoðuð