KA-menn fagna bikarmeistaratitlinum (myndasyrpa)

Það var glatt á hjalla hjá fjölmörgum stuðningsmönnum KA sem mættu á Laugardalsvöllinn í dag og sáu þar sína menn vinna bikarmeistaratitil karla í knattspyrnu í fyrsta skipti.

Víkingar voru heldur fjölmennari en KA-menn í stúkum vallarins, af þeim ríflega fjórum þúsundum áhorfenda sem mættu á Laugardalsvöllinn, en strax frá fyrstu mínútu var stemningin meiri á meðal norðanmanna og hún jókst jafnt og þétt eftir því sem leið á leikinn.

Ólafur Árdal ljósmyndari mbl.is fangaði stemninguna í leikslok þegar KA-menn, leikmenn sem áhorfendur, fögnuðu langþráðum bikarmeistaratitli og um leið sæti í undankeppni Sambandsdeildarinnar á næsta ári.