Annar stórsigur KR í röð
Einar Sigtryggsson
Setja bókamerki
KA og KR spiluðu í dag á KA-vellinum í neðri hluta Bestu-deildarinnar. KR vann auðveldan 4:0-sigur gegn áhugalitlum KA-mönnum. KR-ingar er nú allt í einu farnir að eygja 7. sætið en liðið er þremur stigum á eftir KA og tveimur stigum á eftir Fram.
Það var bara eitt lið sem byrjaði leikinn og það var KR. Heimamenn voru eins og nýkomnir af réttarballi og vissu ekkert hvaðan á sig stóð veðrið fyrr en staðan var orðin 2:0 fyrir KR.
Fyrra markið kom á 7. mínútu en þá brunaði miðvörðurinn Birgir Steinn Styrmisson með boltann í gegn um nokkra KA-menn. Hann ætlaði Benóný Breka boltann en fékk hann til baka og þrumaði að marki. Boltinn fór í bláhornið niðri og var þetta fyrsta mark Birgis Steins fyrir KR. Nokkru síðar ákvað Darko Bulatovic að gefa boltann á Luke Rae. Engendingurinn þakkaði pent og skoraði auðveldlega eftir þríhyrningaspil við Benóný Breka. Mörk KR-inga voru einstaklega ódýr en þau hefðu allt eins getað orðið fleiri áður en KA-menn loks gyrtu sig í brók.
Síðasta kortérið í fyrri hálfleik fór KA að bíta frá sér og færi litu ljós. Á lokamínútunni fékk KA víti þegar Viðar Örn Kjartansson var felldur af Alex Þór Haukssyni. Viðar Örn fór svellkaldur á vítapunktinn og tók laust skot undir slána á mitt markið. Guy Smit hreyfði sig ekki á línunni og bara greip boltann. KR fór því inn í hálfleikshléið með 2:0 forystu.
KA gerði þrefalda skiptingu í hálfleik og það var bara allt annað lið sem mætti til leiks. Heimamenn voru meira og minna í sókn en fá færi litu dagsins ljós.
Það var svo KR sem gerði endanlega út um leikinn þegar kortér lifði leiks. Eyþór Aron Wöhler skallaði í mark af stuttu færi eftir sendingu frá Luke. Benóný Breki þurfti svo að komast á blað og hann náði inn marki rétt fyrir leikslok. 4:0 urðu því lokatölurnar og KR er nánast öruggt með sæti sitt í deildinni.
Aðrir virkir leikir
| Aston Villa | 0:0 | Man. United |
|
|---|---|---|---|
| Leik lokið Liðin skipta með sér stigunum í dag. | |||
| ÍA | 4:1 | FH |
|
|---|---|---|---|
| Leik lokið +4 mínútur. | |||
| Víkingur R. | 0:0 | Stjarnan |
|
|---|---|---|---|
| Oliver Ekroth (Víkingur R.) fær gult spjald | |||
| HK | 1:2 | Fylkir |
|
|---|---|---|---|
| Benedikt Daríus Garðarsson (Fylkir) skorar 1:2 - Christoffer í marki HK varði skot Arnórs Breka með fótunum en út í teiginn þar sem Benedikt var mættur og hamraði boltann í netið. | |||
| Breiðablik | 0:0 | Valur |
|
|---|---|---|---|
| Engir atburðir skráðir enn | |||
Leiklýsing
| KA | 0:4 | KR |
|
|---|---|---|---|
| KA fær hornspyrnu | |||
„Ömurlegt“ að rifja manndrápið upp
„Ég bjóst ekki við þessum mikla halla“
Leggur fram vantrauststillögu á oddvitann
/frimg/1/51/98/1519807.jpg)
Ekki dæmigerð dönsk kona
„Hér eru tveir flugvellir“
Skýr skilaboð um að flýta vinnunni
Höfum tekið á móti of mörgum flóttamönnum
Ályktun samþykkt: Stefna að kosningum í vor