„Ég hef þurft að taka nokkra svona leiki og það er bæði mjög erfitt og stressandi,“ sagði knattspyrnukonan og Íslandsmeistarinn Ásta Eir Árnadóttir í Dagmálum.

Ásta Eir sem er 31 árs gömul, leiddi uppeldisfélag sitt Breiðablik til sigurs á Íslandsmótinu í ár í þriðja sinn á ferlinum en hún tilkynnti nokkuð óvænt eftir leikinn að skórnir væru komnir á hilluna.

Frétt af mbl.is

Breiðablik Íslandsmeistari eftir úrslitaleik

Lofa því að ég er hætt í fótbolta

Skildi báðar hliðar

Ásta Eir varð bikarmeistari í fyrsta sinn árið 2016 en hún missti af úrslitaleiknum þar sem hún þurfti að yfirgefa liðið á miðju tímabili vegna náms við Florida Atlantic-háskólann í Bandaríkjunum.

„Steini vildi að ég yrði lengur og þjálfarinn minn úti sagði við mig að ég ætti að vera kominn út þar sem undirbúningstímabilið væri að byrja,“ sagði Ásta Eir.

„Ég skildi þá afstöðu mjög vel enda var verið að borga fyrir mig full skólagjöld og ég átti að vera komin út. Ég vildi ekki biðja mikið um það að vera áfram á Íslandi, því mér fannst það ekki sanngjarnt.

Ég sætti mig við niðurstöðuna og það var ekki hægt að grenja yfir því. Ég skildi báðar hliðar en það var vissulega leiðinlegt að missa af úrslitaleiknum,“ sagði Ásta Eir meðal annars.

Viðtalið við Ástu Eir í heild sinni má nálgast með því að smella hér eða á hlekkinn hér fyrir ofan.

Ásta Eir Árnadóttir fagnar eftir úrslitaleikinn á Hlíðarenda. mbl.is/Ólafur Árdal

Tengdar fréttir

Dagmál

Mikill tími kennara fer í samskipti við foreldra

• „Þá leitar hugurinn og sálin alltaf til bróður míns“
• Vilja greina niðurstöður PISA-könnunarinnar
• Allt öðruvísi en að fagna á Blika-barnum
• Mættu hlekkjalausir í úrslitaleikinn

» Fleiri tengdar fréttir

• Blogga um frétt