Gylfi Þór að leggja skóna á hilluna?

Knattspyrnumaðurinn Gylfi Þór Sigurðsson gæti lagt skóna á hilluna þegar tímabilinu lýkur um næstu helgi.

Þetta tilkynnti hann í samtali við fótbolta.net eftir leik FH og Vals í 26. umferð Bestu deildarinnar á Kaplakrikavelli í dag.

Frétt af mbl.is

Varði víti Gylfa og Valur tapaði dýrmætum stigum

Gylfi Þór, sem er 35 ára gamall, gekk til liðs við Val fyrir yfirstandandi tímabil og skrifaði undir tveggja ára samning á Hlíðarenda eftir tveggja ára fjarveru frá fótboltanum.

Gæti verið minn síðasti leikur

„Ég veit ekki hvort ég haldi áfram í fótbolta,“ sagði Gylfi í samtali við fótbolta.net.

„Leikurinn um næstu helgi gæti mögulega verið minn síðasti leikur. Ég veit ekki alveg hvað framtíðin ber í skauti sér,“ bætti Gylfi við í samtali við fótbolta.net.

Gylfi á að baki farsælan feril sem atvinnumaður á Englandi og í Þýskalandi og þá á hann að baki 83 A-landsleiki og 27 mörk. Hann er markahæsti leikmaður í sögu karlalandsliðsins.

Frétt af mbl.is

Svekkjandi að fá á sig mark í lokin og klikka svo á víti

• Blogga um frétt