„Hún hjálpaði mér mikið á erfiðum tímum“
Setja bókamerki
„Ég get ekki lokað þessu tímabili án þess að minnast á Særúnu [Jónsdóttur] sjúkraþjálfarann minn,“ sagði knattspyrnukonan og Íslandsmeistarinn Ásta Eir Árnadóttir í Dagmálum.
Ásta Eir sem er 31 árs gömul, leiddi uppeldisfélag sitt Breiðablik til sigurs á Íslandsmótinu í ár í þriðja sinn á ferlinum en hún tilkynnti nokkuð óvænt eftir leikinn að skórnir væru komnir á hilluna.
Þekkir mig enginn betur
Ásta Eir hefur glímt við sinn skerf af meiðslum á undanförnum árum og missti til að mynda mikið úr vegna meiðsla á síðustu leiktíð.
„Það þekkir mig enginn betur en hún,“ sagði Ásta Eir.
„Hún hætti með okkur fyrir nokkrum árum og er bara með karlaliðið í dag en ég þorði aldrei að sleppa henni. Hún hefur sinnt mér einu sinni í viku í ég veit ekki hvað mörg ár.
Hún hjálpaði mér mikið á erfiðum tímum, til dæmis í sumar, og ég á henni ofboðslega mikið að þakka,“ sagði Ásta Eir meðal annars.
Viðtalið við Ástu Eir í heild sinni má nálgast með því að smella hér eða á hlekkinn hér fyrir ofan.
Altjón eftir að kviknaði í út frá rafmagni
„Allir tilbúnir að hjálpa“
Ágreiningur í VG um aðild að NATO
Óábyrgt að segja allt í blóma
Útlit fyrir að hallinn verði 17 milljörðum meiri
Hæsta fjárhæðin í Skagafirði
Hvenær vitum við úrslitin?
Trump búinn að greiða atkvæði