„Þetta tekur oft meira á fjölskylduna, meira en mann sjálfan,“ sagði knattspyrnuþjálfarinn Arnar Grétarsson í Fyrsta sætinu.

Arnari var sagt upp störfum sem þjálfara Vals í Bestu deild karla byrjun ágústmánaðar en hann hefur einnig stýrt Breiðabliki, Roeselare í Belgíu og KA á þjálfaraferlinum. Þá lék hann 71 A-landsleik fyrir Ísland og var atvinnumaður Grikklandi og Belgíu í tæpan áratug. 

Frétt af mbl.is

Arnari sagt upp hjá Val - Srdjan tekur við

Hafa allir skoðun á þér

Arnar hefur verið lengi í bransanum og hóf þjálfaraferilinn með uppeldisfélagi sínu Breiðablik árið 2015.

„Maður er kominn með þykkan skráp en ég held að það að vera fótboltaþjálfari sé ekkert ólíkt því að vera stjórnmálamaður,“ sagði Arnar.

„Það hafa allir skoðun á þér en helsti munurinn er kannski sá að þú ert dæmdur eftir hvern einasta leik, einu sinni í viku. Menn láta misgáfulega hluti út úr sér, menn sem hafa mismikla þekkingu á leiknum.

Þeir sem hafa spilað leikinn vita að það er miklu meira sem gengur á en bara leikirnir sjálfir. Þjálfarar þurfa að horfa í meira en bara úrslitin,“ sagði Arnar meðal annars.

Hægt er að hlusta á umræðuna í heild sinni í spil­ar­an­um hér fyr­ir ofan eða með því að smella hér. Þátt­ur­inn er einnig aðgengi­leg­ur á öll­um helstu hlaðvarps­veit­um.

Tengdar fréttir

Fyrsta sætið

Góðvinur Arnars varaði hann við eftir komu Gylfa

• Ósammála landsliðsþjálfaranum um Gylfa Þór
• „Ert ekki að velta því fyrir þér þegar þú færð sparkið“
• „Það er ekkert vont í samanburði við það að fæða barn“
• Tryggvi myndi reyna að þræta fyrir það ef hann væri spurður

» Fleiri tengdar fréttir

• Blogga um frétt