Skemmdarverk í Mosfellsbæ

Meistaraflokkur karla Aftureldingar mætti til Varmár í morgunsárið og kom að liðsrútu félagsins í hræðilegu standi en um nóttina höfðu tvær rúður á rútunni verið skemmdar.

Í samtali við mbl.is sagði Magnús Már Einarsson, þjálfari Aftureldingar, að liðið væri á leiðinni til Kanaríeyja í æfingarferð og hefði ætlað að nota rútuna til að komast upp á flugvöll.

Það var ekki hægt og þurftu leikmenn og starfsmenn að fara á sínum bílum og einnig ræsa út fjölskyldumeðlimi til að koma sér upp á flugstöð.

Setti líf og sál í rútuna

Bæði framrúðan og önnur rúða eru brotnar og segir Magnús að erfitt verði að gera við þær en rútan er 40 ára gömul og því erfitt að finna nýjar rúður í hana.

Meistaraflokkur Aftureldingar hefur notað þessa rútu lengi meðal annars til að koma sér á leiki.

Faðir Magnúsar hefur sett líf og sál í rútuna og því er mjög sorglegt að koma að henni í þessu standi, sagði Magnús.

Meistaraflokkur Aftureldingar hefur notað rútuna lengi. Ljósmynd/Skjáskot

• Blogga um frétt