Valsmenn mega gera það sem þeim sýnist

„Við reyndum þegar hann kom heim og það hafðist ári seinna,“ sagði Kári Árnason, yfirmaður knattspyrnumála hjá Víkingi úr Reykjavík, í samtali við mbl.is um kaup félagsins á Gylfa Þór Sigurðssyni af Val.

„Þetta er leikmaður sem styrkir okkur gríðarlega mikið. Hann getur spilað fremstu stöðurnar og á miðjunni. Við erum komnir með helvíti stóran hóp og ætlum okkur stóra hluti. Þetta hjálpar okkur klárlega í þeirri vegferð,“ sagði Kári.

Forráðamenn Vals voru mjög ósáttir við Gylfa í kringum félagaskiptin og sökuðu hann um óheiðarleika og að leggja sig ekki fram í sínum síðasta leik með Val, gegn ÍA í deildabikarnum.

„Ég skil að þeir hafi verið ósáttir en mér fannst sérstakt hvernig þeir voru eftir að þetta var komið í gegn. Þeir mega gera það sem þeim sýnist. Ég sá ekkert athugavert við þessi félagaskipti. Þetta eru félagaskipti eins og hver önnur.

Þau voru unnin með Val og við fundum niðurstöðu. Í lok dags sneri þetta um töluna sem þeir voru tilbúnir að sætta sig við. Við náðum saman með það og þetta endaði svona,“ sagði Kári.

Frétt af mbl.is

„Gylfi sýndi Val vanvirðingu“

• Blogga um frétt