Ætlaði ekki að koma aftur til Íslands

Tobias, sem er 32 ára, kom frá portúgalska B-deildar liðinu Torreense en þar á undan hafði hann leikið með Hvidovre í heimalandinu.

Frétt af mbl.is

„Þetta gerist með aldrinum“

„Þegar ég fór frá Íslandi þá var það ekki í plönunum að koma aftur, að minnsta kosti ekki sem knattspyrnumaður. Kærastan mín er héðan og því hugsuðum við að við myndum kannski koma aftur á endanum en ekki til þess að spila fótbolta.

En eins og við vitum er aldrei á vísan að róa í fótbolta. Ég var í Portúgal og naut mín þar en um leið og umboðsmaðurinn hafði samband við mig og sagði mér frá þessu tækifæri og hversu mikla áherslu Breiðablik legði á að fá mig var ég ansi viss um að þetta yrði áhugaverður staður að koma aftur til.

Ég hef fylgst með deildinni frá því ég yfirgaf hana og veit hversu vel gekk á síðasta tímabili. Með allt sem tengist gengi íslenskra liða í Evrópukeppni í huga fannst mér þetta frábær tímapunktur til að snúa aftur og vera hluti af þessu,“ sagði Tobias í samtali við Morgunblaðið.

Ekkert nema Breiðablik

Voru fleiri íslensk félög áhugasöm um að semja við þig?

„Nei, ekkert svoleiðis. Um leið og ég heyrði af áhuga Breiðabliks spurði ég í raun ekki hvort eitthvert annað lið vildi fá mig. Ég vildi koma hingað því Breiðablik er besta liðið í augnablikinu.

Það er frábær samkeppni við Víking og Breiðablik vann auðvitað deildina á síðasta ári. Þetta er liðið til að vera í akkúrat núna,“ sagði sóknarmaðurinn, sem þurfti skyndilega að sætta sig við breyttan veruleika í Portúgal.

„Það tók mig svolítið langan tíma að aðlagast hlutunum þegar ég fór til Portúgals síðasta sumar. Líkamlega var ég svolítið á eftir öllum öðrum því ég kom inn í liðið seint á undirbúningstímabilinu,“ sagði Tobias.

Viðtalið við Tobias má lesa í heild sinni á íþróttasíðum Morgunblaðsins í dag.