KR lagði ÍBV í níu marka leik
Setja bókamerki
KR hafði betur gegn ÍBV, 6:3, í afar fjörugum leik í fjórðu umferð riðils 4 í A-deild karla í deildabikarnum í knattspyrnu á gervigrasi KR í dag.
KR hefur unnið alla fjóra leiki sína í riðlinum til þessa og tryggði sér með sigrinum í dag nánast sæti í undanúrslitum deildabikarsins. Keflavík er með 9 stig og getur enn komist upp fyrir KR en til þess þarf níu marka sveiflu í leikjum liðanna í lokaumferðinni.
Eiður Gauti Sæbjörnsson og Jóhannes Kristinn Bjarnason komu KR í 2:0 í fyrri hálfleik áður en Bjarki Björn Gunnarsson minnkaði muninn fyrir ÍBV með marki úr vítaspyrnu skömmu fyrir leikhlé.
Í upphafi síðari hálfleiks jafnaði ÍBV metin en skömmu síðar, á 52. mínútu, skoraði Eiður Gauti annað mark sitt og þriðja mark KR.
Atli Sigurjónsson kom KR í 4:2 og fimmta mark Vesturbæinga var svo sjálfsmark Eyjamanna.
Áður en yfir lauk minnkaði ÍBV muninn í 5:3 en KR átti síðasta orðið þegar Stefán Árni Geirsson skoraði sjötta mark liðsins í leiknum sjö mínútum fyrir leikslok.
Fréttin verður uppfærð með markaskorurum sem vantar þegar þeir berast.
Líklegast að flugleiðin verði boðin út
Munu sækja rétt sinn eftir hryðjuverkamálið
Þyrla kölluð út vegna alvarlegs umferðarslyss
Ásetningur Sindra og Ísidór ekki sannaður
„Raunveruleikinn sem við horfumst í augu við í dag“
„Engar vísbendingar um að þessu sé að ljúka“
Kristrún: Góð samskipti við Bandaríkin skipta sköpum
Sýknaðir og fá vægari dóma