Aron vanur gagnrýninni

Fyrrverandi landsliðsfyrirliðinn Aron Einar Gunnarsson kveðst vanur gagnrýni í sinn garð eftir að hann var valinn í fyrsta landsliðshóp Arnars Gunnlaugssonar þrátt fyrir að hafa lítið spilað knattspyrnu undanfarin ár.

Þórður Einarsson, yfirþjálfari hjá yngri flokkum Þróttar í Reykjavík, er einn þeirra sem gagnrýndi valið og sagði það „galið.“

Frétt af mbl.is

„Galið“ að velja Aron Einar í landsliðshópinn

„Ég er orðinn vanur þessari gagnrýni. Ég hef verið að spila vel í Meistaradeildinni hér í Asíu og æfa 100% þannig að ég er klár. Ég hef í raun sjaldan verið hungraðri en akkúrat þessa stundina í að sýna mig og sanna,“ sagði Aron Einar í samtali við RÚV.

Spurður hvort það væri „galið“ að velja hann í landsliðshópinn sagði Aron Einar:

„Við skulum bara sjá til með það. Fólk mál alveg hafa sínar skoðanir og allt það en það er alltaf gömul tugga í fótboltanum að sýna það í verki innan vallar, hvað maður getur og það er planið hjá mér.“

• Blogga um frétt