Skagamaðurinn á Hlíðarenda er ekki til sölu

Knattspyrnumaðurinn Tryggvi Hrafn Haraldsson, leikmaður Vals, er ekki til sölu en hann hefur verið orðaður við uppeldisfélag sitt ÍA að undanförnu.

Þetta sagði Björn Steinar Jónsson, formaður knattspyrnudeildar Vals, í samtali við fótbolta.net í dag.

Skagamenn lögðu fram tilboð í leikmanninn á dögunum sem var hafnað en félagið er í leit að framherja eftir að Hinrik Harðarson var seldur til Odd í norsku B-deildina um helgina.

„Það er greinilega mikill áhugi á okkar leikmönnum og er þetta enn ein staðfestingin á því hversu öflugur hópurinn okkar er,“ sagði Björn Steinar í samtali við fótbolta.net.

„Ég get staðfest að það kom tilboð frá Skaganum í Tryggva Hrafn en hann er svo sannarlega ekki til sölu,“ bætti Björn Steinar við.

• Blogga um frétt