Tvær breytingar á landsliðshópnum

Þorsteinn Halldórsson, þjálfari kvennalandsliðs Íslands í knattspyrnu, tilkynnti í dag 23 manna hóp fyrir leikina gegn Noregi og Sviss í Þjóðadeildinni sem báðir fara fram á Þróttarvellinum í Laugardal 4. og 8. apríl.

Tvær breytingar eru á hópnum frá leikjunum í Sviss og Frakklandi í febrúar. Hildur Antonsdóttir og Amanda Andradóttir sem þá voru fjarverandi vegna meiðsla eru báðar í hópnum en úr honum detta þær Bryndís Arna Níelsdóttir og Ásdís Karen Halldórsdóttir.

Ísland er með eitt stig eftir fyrstu tvær umferðirnar, eftir 0:0 jafntefli í Sviss og 3:2 tap í Frakklandi. Frakkar eru með sex stig, Norðmenn þrjú og Svisslendingar eitt stig.

Hópurinn er þannig skipaður:

Markverðir:
15/0 Cecilía Rán Rúnarsdóttir, Inter Mílanó
12/0 Telma Ívarsdóttir, Rangers
  8/0 Fanney Inga Birkisdóttir, Häcken

Varnarmenn:
134/11 Glódís Perla Viggósdóttir, Bayern München
  70/2 Ingibjörg Sigurðardóttir, Bröndby
  47/1 Guðrún Arnardóttir, Rosengård
  36/0 Guðný Árnadóttir, Kristianstad
  15/0 Sædís Rún Heiðarsdóttir, Vålerenga
    8/1 Natasha Anasi, Val

Miðjumenn:
115/38 Dagný Brynjarsdóttir, West Ham
  51/6 Alexandra Jóhannsdóttir, Kristianstad
  49/11 Karólína Lea Vilhjálmsdóttir, Leverkusen
  22/2 Hildur Antonsdóttir, Madrid CFF
  18/0 Áslaug Munda Gunnlaugsdóttir, Breiðabliki
  16/1 Berglind Rós Ágústsdóttir, Val
  15/1 Hafrún Rakel Halldórsdóttir, Bröndby
  12/2 Andrea Rán Hauksdóttir, Tampa Bay Sun
    5/0 Katla Tryggvadóttir, Kristianstad

Sóknarmenn:
49/6 Sandra María Jessen, Þór/KA
46/12 Sveindís Jane Jónsdóttir, Wolfsburg
45/6 Hlín Eiríksdóttir, Leicester
23/2 Amanda Andradóttir, Twente
  6/0 Emilía Kiær Ásgeirsdóttir, RB Leipzig

• Blogga um frétt