Breiðablik skoraði fjögur í úrslitaleiknum
Agla María Albertsdóttir, fyrirliði Breiðabliks, tekur við deildabikarnum í kvöld.
mbl.is/Árni Sæberg
Setja bókamerki
Breiðablik varð í kvöld deildabikarmeistari kvenna í fótbolta með öruggum sigri á Þór/KA á heimavelli sínum, Kópavogsvelli. Urðu lokatölur 4:1.
Samantha Smith kom Breiðabliki á bragðið á 3. mínútu og 20 mínútum síðar tvöfaldaði Birta Georgsdóttir forskotið. Voru hálfleikstölur því 2:0.
Sonja Björg Sigurðardóttir minnkaði muninn fyrir Þór/KA á 55. mínútu en tíu mínútum síðar kom Barbára Sól Gísladóttir Breiðabliki aftur í tveggja marka forystu.
Andrea Rut Bjarnadóttir gulltryggði svo sigurinn með marki á lokasekúndunum og þriggja marka sigur varð raunin.
Edith Kristín Kristjánsdóttir úr Breiðabliki með boltann í kvöld. Bríet Jóhannsdóttir er til varnar.
mbl.is/Árni Sæberg
Alvarlegra en mörg fyrri gos
Umferðarslys á Reykjanesbraut
Ekki sannfærður um túlkun Veðurstofunnar
Úlfar: Það þarf að halda vöku sinni
Sprungan nú 1,2 km að lengd
Beindi byssu yfir höfuð björgunarsveitarmanns
Ekið á gangandi vegfaranda
