Víkingarnir skáka Blikum
Setja bókamerki
Víkingar verða Íslandsmeistarar 2025 eftir baráttu við Breiðablik, Valur hefur betur í slag við KR um þriðja sætið, ÍA kemst í efri hlutann á kostnað FH og Afturelding heldur sæti sínu í Bestu deildinni á kostnað ÍBV og Vestra.
Þetta er heildarniðurstaðan úr hinni árlegu spá íþróttadeildar Morgunblaðsins og mbl.is fyrir Bestu deild karla í knattspyrnu en fyrsti leikurinn á nýju tímabili fer fram á Kópavogsvelli á laugardagskvöldið kemur, 5. apríl, þegar Íslandsmeistarar Breiðabliks fá nýliða Aftureldingar í heimsókn.
Í spánni í ár tóku þátt 28 manns, öll þau sem fjalla um leikina í deildinni fyrir miðla Árvakurs ásamt knattspyrnuáhugafólki á ritstjórninni. Hver og einn raðaði liðunum í sæti eitt til tólf og efsta liðið fær 12 stig, næsta lið 11 og svo koll af kolli.
1 VÍKINGUR nær meistaratitlinum úr höndum Breiðabliks samkvæmt spánni en liðið fékk 322 stig samtals. Alls spáðu 19 af 28 Víkingum efsta sætinu á meðan fjórir töldu að þeir yrðu ekki í öðru tveggja efstu sætanna.
2 BREIÐABLIK fékk 313 stig í öðru sæti en sjö spáðu Kópavogsliðinu meistaratitlinum og aðeins tveir töldu að Blikarnir yrðu ekki annað tveggja efstu liðanna.
3 VALUR fékk 268 stig í þriðja sæti en tveir spáðu Hlíðarendaliðinu sigri í deildinni og aðrir tveir spáðu því öðru sæti. Flestir settu Val í þriðja eða fjórða sæti og enginn neðar en í fimmta sæti.
Spána og umfjöllunina má lesa í heild sinni á íþróttasíðum Morgunblaðsins í dag.
Ríkisstjórnin sökuð um brot á lögum
Biður um svigrúm til að fara yfir málin
„Mikið áfall fyrir hagkerfi heimsins“
Gæti leitt til eldgoss við Reykjanestá
Karlmaður látinn eftir umferðarslys
Segir samráðsleysi lögbrot
Aukið samstarf við risaríkin tvö í Asíu