Annað markalaust jafntefli Íslands
Setja bókamerki
Ísland og Noregur gerðu markalaust jafntefli í þriðju umferð A-deildar Þjóðadeildar kvenna í knattspyrnu á Þróttarvelli í dag.
Leikurinn er liður í 2.-riðli A-deildarinnar en eftir leik er Ísland í þriðja sæti með tvö stig en Noregur er í öðru með sæti með fjögur stig. Frakkland er á toppnum með sex stig og Sviss neðst með eitt stig en þeirra leikur er í gangi.
Ísland fær Sviss næst í heimsókn á þriðjudaginn kemur.
Ísland fékk fleiri færi í fyrri hálfleik en Noregur hélt meira í boltann. Sveindís Jane Jónsdóttir reyndist varnarmönnum Noregs erfið og voru bakverðirnir Guðný Árnadóttir og Sædís Rún Heiðarsdóttir líflegir.
Á 17. mínútu fékk Frida Maanum dauðafæri Noregsmegin en skaut í stöngina. Þá hafði Cecilía Rán Rúnarsdóttir tapað boltanum klaufalega og hann barst til Maanum sem tók skot.
Besta færi Íslands fékk Karólína Lea Vilhjálmsdóttir á 39. mínútu leiksins. Þá lék Ísland mjög vel á milli sín og Karólína fékk sendingu í gegn frá Sveindísi en skot hennar var allt of laust og beint á Cecilie Fiskerstrand markvörð Noregs.
Ísland hóf seinni hálfleikinn vel. Á 57. mínútu slapp Sveindís listilega ein gegn Fiskerstrand en boltinn var aðeins á undan henni og markvörðurinn náði að gera sig stóran. Boltinn barst síðan til Hlínar Eiríksdóttur sem skaut hátt yfir.
Íslenska liðið fékk síðan nokkur góð færi á lokamínútunum. Karolína Lea átti skot í slána og skapaðist mikil hætta í teig Noregs eftir hornspyrnur.
Þó fékk Noregur einnig nokkur færi en hvorugu liði tókst að skora.
| Ísland | 0:0 | Noregur |
|
|---|---|---|---|
| Augnablik — sæki gögn... | |||
Hæstiréttur viðurkennir mistök: Fóru ekki yfir gögn
Rændur af þjófagengi: „Orðinn svo þreyttur á þessu“
Skólastjóri hættir eftir þrýsting frá foreldrum
/frimg/1/56/13/1561304.jpg)
Kerfið segir nei og börnin látin bíða
/frimg/1/56/8/1560833.jpg)
Segir ósanngjarnt að meta nemendur út frá einkunnum
Janus bjargaði lífi Írisar
„Þurfum bara að vanda okkur betur“