„Það er fyrst og fremst því­lík­ur heiður og eitt­hvað sem ég er rosa­lega stolt­ur af,“ sagði Aron Sig­urðar­son um hvernig til­finn­ing það væri að vera orðinn fyr­irliði KR í knatt­spyrnu.

„Ég mun gera mitt allra besta til þess að standa mig í því hlut­verki. Ég nýt þess hvern ein­asta dag að mæta á æf­ing­ar og síðan er sér­stak­lega sætt að fá að leiða liðið inn á völl­inn. Þetta er mik­ill heiður,“ sagði Aron í sam­tali við mbl.is.

Hann er 31 árs og gekk til liðs við KR fyr­ir síðasta tíma­bil eft­ir átta ára dvöl í at­vinnu­mennsku.

Aron tók við fyr­irliðaband­inu af Theo­dóri Elm­ari Bjarna­syni sem hætti sem leikmaður liðsins eft­ir síðasta tíma­bil og tók við starfi aðstoðarþjálf­ara hjá því.

Var ald­urs­for­seti um tíma

Þar sem hinn 33 ára gamli Atli Sig­ur­jóns­son var með laus­an samn­ing um skeið og hinn 38 ára gamli Theo­dór Elm­ar var horf­inn á braut var Aron ald­urs­for­seti KR-liðsins um tíma, sem hon­um þótti furðuleg til­hugs­un.

Atli skrifaði svo und­ir nýj­an samn­ing fyr­ir rúm­um mánuði síðan og gat fyr­irliðinn þá andað létt­ar.

„Ég var elst­ur í hópn­um þangað til að Atli Sig skrifaði aft­ur und­ir. Það var mjög sterkt fyr­ir mig að fá að vera ekki ald­urs­for­seti 31 árs,“ sagði Aron í létt­um dúr.

Íslenska leiðin að spila á gervi­grasi

Breyt­ing­ar eru í far­vatn­inu hjá KR þar sem á næstu vik­um verður gervi­gras lagt á aðal­völl­inn í Frosta­skjóli, þar sem áður var venju­legt gras. Áætlað er að fyrsti eig­in­legi heima­leik­ur KR á tíma­bil­inu fari fram 10. maí gegn ÍBV.

Frétt af mbl.is

Fyrsti eig­in­legi heima­leik­ur KR í maí

„Mér finnst það frá­bært. Þetta er ís­lenska leiðin, að spila á gervi­grasi. Þetta var orðið tíma­bært og það er frá­bært að KR sé að skipta yfir í gervi­gras.

Með þessu verður æf­ingaaðstaðan betri og við get­um spilað okk­ar fót­bolta miklu bet­ur. Þetta er bara já­kvætt,“ sagði hann um breyt­ing­una á und­ir­lag­inu.

KR er spáð fjórða sæti í Bestu deild­inni í ár í spá Morg­un­blaðsins og mbl.is sem birt­ist í blaðinu á miðviku­dag. KR heim­sæk­ir KA í 1. um­ferð á morg­un, sunnu­dag, kl. 16.15.

Tengd­ar frétt­ir

Upp­hit­un í Bestu deild karla

Von­andi þarf ég ekki að spila þessa stöðu

• Fé­lög sem hafa yf­ir­burði fjár­hags­lega
• Menn eru fersk­ari og í betra formi
• Á mun betri stað en á sama tíma í fyrra
• Fékk blóðeitrun í fót­inn

» Fleiri tengd­ar frétt­ir

• Blogga um frétt