„Tíma­bilið leggst vel í okk­ur og við erum hóf­lega bjart­sýn­ir skul­um við segja,“ sagði Hólm­ar Örn Eyj­ólfs­son, fyr­irliði Vals í Bestu deild karla í fót­bolta, í sam­tali við mbl.is.

Vals­mönn­um er spáð þriðja sæti deild­ar­inn­ar í ár­legri spá íþrótta­deild­ar mbl.is og Morg­un­blaðsins en Vals­menn höfnuðu einnig í þriðja sæt­inu á síðustu leiktíð.

„Við höf­um æft vel á und­ir­bún­ings­tíma­bil­inu og okk­ur hef­ur gengið vel. Við höf­um átt góða leiki og svo höf­um við átt ekki svo góða leiki inn á milli líka. Við höf­um reynt að byggja ofan á það sem við höf­um gert vel og svo reynt að draga lær­dóm af slæmu leikj­un­um þannig að ég myndi segja að þetta hafi bara gengið ágæt­lega heilt yfir,“ sagði Hólm­ar Örn.

Alltaf sama mark­miðið á Hlíðar­enda

Hver eru mark­mið Valsliðsins fyr­ir tíma­bilið?

„Það er alltaf mark­miðið hjá Val að verða bæði Íslands- og bikar­meist­ari. Við víkj­um ekk­ert frá þeim mark­miðum þó að ár­ang­ur­inn síðustu ár hafi ekki verið eins og menn ætluðu sér. Við för­um því hóf­lega bjart­sýn­ir inn í tíma­bilið eins og ég kom inn á áðan.

Frétt af mbl.is

„Maður ætlaði sér stærri hluti með liðinu“

Við vit­um að það þarf margt að ganga upp hjá okk­ur og hlut­irn­ir þurfa að smella. Það eru ákveðin lið sem eru kom­in lengra á sinni veg­ferð og það er okk­ar að fikra okk­ur nær þeim. Von­andi náum við svo að taka fram úr þeim á ein­hverj­um tíma­punkti.“

Marg­ir spenn­andi leik­menn

Mikl­ar manna­breyt­ing­ar hafa orðið á Hlíðar­enda fyr­ir tíma­bilið en hvernig hafa nýju menn­irn­ir komið inn í Valsliðið?

Frétt af mbl.is

Ræddi fé­laga­skipti Gylfa Þórs í Foss­vog­inn

„Við erum bún­ir að semja við marga mjög spenn­andi leik­menn. Norðmenn­irn­ir líta virki­lega vel út og þetta eru góðir fót­bolta­menn. Þeir eiga marga leiki að baki í norsku úr­vals­deild­inni og vita hvað þarf til, til þess að ná ár­angri. Ég hlakka mikið til að sjá er­lendu leik­menn­ina taka slag­inn í al­vöru deild­ar­leik. Breyt­ing­arn­ar eru vissu­lega ein­hverj­ar en á sama tíma eru þær mjög spenn­andi,“ sagði Hólm­ar Örn í sam­tali við mbl.is.

Vals­mönn­um er spáð 3. sæti í ár­legri spá íþrótta­deild­ar mbl.is og Morg­un­blaðsins en Vals­menn taka á móti Vestra í 1. um­ferð Bestu deild­ar­inn­ar í dag, sunnu­dag­inn 6. apríl, klukk­an 14 á Hlíðar­enda.

Tengd­ar frétt­ir

Upp­hit­un í Bestu deild karla

Von­andi þarf ég ekki að spila þessa stöðu

• Fé­lög sem hafa yf­ir­burði fjár­hags­lega
• Menn eru fersk­ari og í betra formi
• Á mun betri stað en á sama tíma í fyrra
• Fékk blóðeitrun í fót­inn

» Fleiri tengd­ar frétt­ir

• Blogga um frétt