„Í grunn­inn þá held ég að mark­miðið inn­an hóps­ins sé að enda í efri hlut­an­um. Það fer ekk­ert á milli mála,“ sagði Ívar Örn Árna­son, fyr­irliði bikar­meist­ara KA í knatt­spyrnu, í sam­tali við mbl.is.

Ásamt því að standa uppi sem bikar­meist­ari hafnaði KA í sjö­unda sæti Bestu deild­ar­inn­ar á síðasta tíma­bili.

Frétt af mbl.is

Eng­in ástæða til að skæla

„Við reyn­um alltaf að gera aðeins bet­ur en í fyrra. En tíma­bilið í fyrra var ekki það slæmt. Við erum ríkj­andi bikar­meist­ar­ar og ég held að fót­ur­inn verði ekk­ert tek­inn af bens­ín­gjöf­inni í bik­ar­keppn­inni núna í ár, ekk­ert frek­ar en síðustu ár.

Við vilj­um festa okk­ur í sessi í því að vera ákveðið bikarlið. Sömu­leiðis er það að gera vel í Evr­ópu. Við erum að fara í þrjár keppn­ir í ár og það tek­ur mikla orku.

Frétt af mbl.is

Gisti fleiri næt­ur með Stubbn­um en kær­ust­unni

Eins og staðan er í dag geri ég ráð fyr­ir að ferðalög­in verði enn þá meiri þar sem heima­leik­irn­ir okk­ar verða ör­ugg­lega fyr­ir sunn­an. Ég held að mark­mið okk­ar eins og staðan er núna sé að enda í efri hlut­an­um og fara svo aft­ur alla leið í bik­arn­um,“ bætti Ívar Örn við.

Kjarn­inn sá sami síðan 2016

KA hef­ur gengið erfiðlega á und­ir­bún­ings­tíma­bil­inu en miðvörður­inn sterki sagðist í sam­tali við Morg­un­blaðið á þriðju­dag ekki hafa áhyggj­ur af liðinu þegar tíma­bilið í Bestu deild­inni hefst með heima­leik gegn KR á sunnu­dag.

Spurður hvort hann teldi að lið kæmu til með að van­meta KA vegna brös­ug­legs geng­is í vet­ur sagði Ívar Örn:

„Já, ég held það al­veg að vissu leyti. En ég held líka að lið geri sér al­veg grein fyr­ir því að kjarn­inn í þess­um hópi er bú­inn að vera sam­an síðan alla­vega 2016. Hryggsúl­an er mjög góð svona í grunn­inn.

Breidd­in er kannski ekki mik­il en við erum enn þá með mjög gott lið. Ég held að við höf­um sýnt það í bik­ar­keppn­inni í fyrra að við get­um gefið öll­um liðum í þess­ari deild góðan leik þegar við erum á okk­ar besta degi.“

KA er spáð ní­unda sæti í Bestu deild­inni í ár í spá Morg­un­blaðsins og mbl.is sem birt­ist í blaðinu á miðviku­dag. KA fær KR í heim­sókn í 1. um­ferð í dag, sunnu­dag, kl. 16.15.

Tengd­ar frétt­ir

Upp­hit­un í Bestu deild karla

Von­andi þarf ég ekki að spila þessa stöðu

• Fé­lög sem hafa yf­ir­burði fjár­hags­lega
• Menn eru fersk­ari og í betra formi
• Á mun betri stað en á sama tíma í fyrra
• Fékk blóðeitrun í fót­inn

» Fleiri tengd­ar frétt­ir

• Blogga um frétt