Sveindís Jane tjáir sig um framtíðina

Svein­dís Jane Jóns­dótt­ir, landsliðskona í knatt­spyrnu, er mjög lík­lega á för­um frá Wolfs­burg þegar samn­ing­ur henn­ar við þýska fé­lagið renn­ur út í sum­ar. 

Svein­dís hef­ur verið í minna hlut­verki á þessu tíma­bili en síðustu tíma­bil. Hún lýsti yfir óánægju sinni með það í viðtali við Rúv í fe­brú­ar. 

Frétt af mbl.is

Svein­dís fær eng­ar út­skýr­ing­ar

„Ég hef verið í erfiðri stöðu í liðinu og ekki byrjað marga leiki. Ég er að ná góðum æf­ing­um og finnst ég standa mig vel. Ég reyni alltaf að gera mitt besta þegar ég spila en það get­ur verið erfitt þegar maður er inn og út úr liðinu.

Svo er alltaf mjög gott að koma hingað í landsliðið, fá að vera með stelp­un­um og spila mikið.

Ég er mjög ánægð með það, ekki sjálf­gefið að spila með landsliðinu þegar þú spil­ar ekki mikið með fé­lagsliði þínu. Ég reyni að gera allt mitt besta hér.

Von­andi sjá þjálf­ar­arn­ir mín­ir í Wolfs­burg að ég get spilað, en auðvitað verð ég að taka því hlut­verki sem mér er gefið,“ sagði Svein­dís. 

Ekki búin að ákveða

Svein­dís seg­ist ekki ná­kvæm­lega búin að ákveða næstu skref. Tommy Stroot þjálf­ari liðsins hætti á dög­un­um, eða eft­ir að lands­leikja­hléið skall á og seg­ir Svein­dís að mál henn­ar gætu breyst eft­ir það, þó sé enn lík­legt að hún færi sig um set. 

„Ég er ekki búin að ákveða en eins og staðan er núna finnst mér það mjög lík­legt. Þjálf­ar­inn hætti hjá Wolfs­burg og ég veit ekki hvort ég verði í öðru hlut­verki í síðustu þrem­ur leikj­un­um og hvort að þjálf­ar­inn sem mun taka við hafi eitt­hvað að segja og vilji halda mér.

Akkúrat núna get ég haldið áfram hjá Wolfs­burg en eins og staðan er finnst mér ólík­legt að ég vilji það. Ég ætla að skoða mig um.“

Svein­dís hef­ur verið í viðræðum við önn­ur lið, sem gef­ur henni þó nokkuð. 

„Já, það er eitt­hvað byrjað. Gam­an að vita að það séu lið sem vilja fá mig í sín­ar raðir. Það er ein­hver viður­kenn­ing að heyra að maður geti spilað fót­bolta þó ég hafi ekki verið í aðal­hlut­verki í fé­lagsliði. Gott að heyra í öðrum liðum og vita að þau hafi áhuga,“ bætti Svein­dís Jane við. 

• Blogga um frétt