Vestri náði í gott jafntefli á Hlíðarenda

Val­ur og Vestri skildu jöfn, 1:1, í 1. um­ferð Bestu deild­ar karla í fót­bolta á Hlíðar­enda í dag. Er um fyrsta jafn­tefli tíma­bils­ins að ræða í öðrum leikn­um.

Vals­menn byrjuðu af gríðarleg­um krafti. Jónatan Ingi Jóns­son átti skot rétt fram­hjá strax á 2. mín­útu og þeir Tryggvi Hrafn Har­alds­son og Al­bin Skog­lund fengu báðir gott færi á 4. mín­útu.

Fyrst átti Tryggvi glæsi­lega til­raun utan teigs en bolt­inn í stöng­ina og Skog­lund fylgdi á eft­ir en þá varði Guy Smit í marki Vestra virki­lega vel. Hólm­ar Örn Eyj­ólfs­son og Pat­rick Peder­sen áttu svo til­raun­ir í kjöl­farið en í báðum til­vik­um fór bolt­inn beint á Smit.

Eft­ir það róaðist leik­ur­inn um­tals­vert og leit næsta til­raun ekki dags­ins ljós fyrr en á 37. mín­útu er Jeppe Peder­sen átti fyrstu til­raun Vestra en hann skaut beint á Stefán Þór Ágústs­son í marki Vals.

Jónatan Ingi Jóns­son hjá Val átti síðustu til­raun fyrri hálfleiks er hann dansaði með bolt­ann á hægri kant­in­um, kom sér inn í teig­inn og skaut rétt fram­hjá fjær­stöng­inni. Var staðan í leik­hléi því marka­laus.

Vestri byrjaði seinni hálfleik­inn með lát­um því eft­ir nokkr­ar sek­únd­ur átti Orri Sig­urður Ómars­son slysa­lega spyrnu að eig­in marki og bolt­inn sveif yfir Stefán í mark­inu og í netið.

Jónatan Ingi var ná­lægt því að jafna á 56. mín­útu er hann skaut í inn­an­verða stöng­ina eft­ir góða takta hægra meg­in í víta­teign­um.

Jöfn­un­ar­markið kom á 65. mín­útu og þar var að verki Pat­rick Peder­sen. Af­greiddi hann bolt­ann glæsi­lega í hornið eft­ir fal­leg­an und­ir­bún­ing hjá Tryggva Hrafni Har­alds­syni.

Báðum liðum gekk illa að skapa færi eft­ir jöfn­un­ar­markið og skiptu þau því með sér stig­un­um.

Val­ur	1:1	Vestri	Opna lýs­ingu Loka
90. mín. Hólm­ar Örn Eyj­ólfs­son (Val­ur) fær gult spjald 90+3. Vill innkast en fær ekki. Spjald fyr­ir mót­mæli.
Augna­blik — sæki gögn...

• Blogga um frétt