Rós­ey Björg­vins­dótt­ir, fyr­irliði FHL, er spennt fyr­ir fyrsta tíma­bili liðsins í efstu deild og fyrsta tíma­bili liðs frá Aust­ur­landi í efstu deild kvenna í fót­bolta frá því Hött­ur var þar árið 1994.

Frétt af mbl.is

Lang­besta veðrið og frá­bær fé­lags­skap­ur

Leik­manna­hóp­ur liðsins er tölu­vert breytt­ur frá því í fyrra. Sterk­ir er­lend­ir leik­menn eru horfn­ir á brott og aðrir komn­ir inn í staðinn. Liðið er m.a. búið að missa Samönt­hu Smith til Breiðabliks og Emmu Hawk­ins til Portú­gals en þær voru tvær af allra bestu leik­mönn­um 1. deild­ar­inn­ar á síðustu leiktíð.

Var Hawk­ins marka­drottn­ing deild­ar­inn­ar með 24 mörk í 14 leikj­um og Sam­an­tha Smith er nú orðin einn besti leikmaður Bestu deild­ar­inn­ar eft­ir að hún fór í Breiðablik og hjálpaði liðinu að verða Íslands­meist­ari á síðasta ári.

„Mér líst vel á hóp­inn. Það er ekk­ert nýtt fyr­ir okk­ur að það séu mikl­ar breyt­ing­ar á milli ára, sér­stak­lega hjá er­lend­um leik­mönn­um. Þess­ir nýju eru að koma rosa­lega vel inn í þetta. Það var högg að missa Emmu og Sam­my, sem sköruðu fram úr í fyrra.

Þær áttu stór­an þátt í þess­ari vel­gengni í fyrra og það hefði verið gam­an að halda þeim. Það kem­ur maður í manns stað og við erum með sterk­an hóp. Von­andi sýna nýju leik­menn­irn­ir sömu gæði,“ sagði Rós­ey við mbl.is.

FHL var spáð neðsta sæti í spá Morg­un­blaðsins í fimmtu­dags­blaðinu. Liðið byrj­ar æv­in­týrið í Bestu deild­inni með úti­leik gegn Tinda­stóli annað kvöld klukk­an 18.

Tengd­ar frétt­ir

Upp­hit­un í Bestu deild kvenna

Var fá­rán­lega erfitt

• Eitt­hvað sem maður seg­ir fyr­ir hvert ár
• Fram­herj­inn fór úr axl­arlið
• Stelp­urn­ar stór hluti af eig­in vel­gengni
• Meg­um ekki sofa á verðinum

» Fleiri tengd­ar frétt­ir

• Blogga um frétt