Víkingur R. - Þór/KA, staðan er 1:4

Þór/​KA vann ör­ugg­an 4:1-sig­ur á liði Vík­ings í Bestu deild kvenna í Vík­inni í kvöld. Bríet Fjóla Bjarna­dótt­ir, Kimberley Dóra Hjálm­ars­dótt­ir, Kar­en María Sig­ur­geirs­dótt­ir og Hild­ur Anna Birg­is­dótt­ir skoruðu mörk gest­anna í leikn­um en Berg­dís Sveins­dótt­ir gerði mark Vík­ings.

Þór/​KA er því komið með þrjú stig en Vík­ing­ur er án stiga en þetta var fyrsti leik­ur liðanna í deild­inni í ár.

Þetta byrjaði nokkuð ró­lega í Vík­inni í kvöld og það var jafn­ræði með liðunum í upp­hafi leiks en eft­ir um það bil tíu mín­útna leik tóku gest­irn­ir öll völd á vell­in­um.

Sandra María Jessen var ná­lægt því að koma Þór/​KA yfir á 12. mín­útu en þá fékk hún góða send­ingu upp vinstri kant­inn og Sig­ur­borg Katla Svein­björns­dótt­ir markmaður Vík­ings kom út á móti henni og datt en skot Söndru fór í hliðarnetið en hún var kom­in í ansi þrönga stöðu þegar hún lét vaða. Fjór­um mín­út­um síðar fékk Hulda Ósk Jóns­dótt­ir leikmaður Þórs/​KA fínt færi en skot henn­ar fór rétt fram hjá.

Það var svo á 31. mín­útu leiks­ins að gest­irn­ir komust yfir. Þá kom löng send­ing upp hægri kant­inn og þar var mætt Hulda Ósk og rétt áður en bolt­inn fór út af náði hún að setja bolt­ann fyr­ir markið. Þessi send­ing henn­ar lenti á þverslánni og skoppaði út í teig­inn og þar var mætt hin 15 ára gamla Bríet Fjóla Bjarna­dótt­ir og setti bolt­ann í netið af stuttu færi.

Á 37. mín­útu skoraði svo Kimberley Dóra Hjálm­ars­dótt­ir annað mark Þórs/​KA með góðum skalla af stuttu færi og kom gest­un­um í 2:0. Sandra María átti flotta send­ingu út á Huldu Ósk sem hljóp inn á teig­inn og fór fram hjá ein­um varn­ar­manni Vík­ings og setti bolt­ann fyr­ir mark Vík­ings og þar kom Kimberley á ferðinni og skallaði bolt­ann í netið.

Það var ljóst í upp­hafi seinni hálfleiks að leik­menn Þórs/​KA voru alls ekki hætt­ar. Þær héldu áfram að sækja og á 52. mín­útu leiks­ins skoraði Kar­en María Sig­ur­geirs­dótt­ir þriðja mark Þórs/​KA með góðu skoti fyr­ir utan teig­inn. Eft­ir þetta þriðja mark þá slökuðu gest­irn­ir aðeins á og Vik­ing­ur komst meira inn í leik­inn.

Á 71. mín­útu náði Vík­ing­ur svo að minnka mun­inn í 1:3. Þá átti Linda Líf Boama góðan sprett um vinstri kant­inn og kom bolt­an­um fyr­ir úr þröngri stöðu og setti bolt­ann á nær­stöng­ina og þar stóð Berg­dís Sveins­dótt­ir og skallaði bolt­ann í netið. Virki­lega vel gert hjá Lindu og Berg­dísi.

Þrátt fyr­ir aukna pressu Vík­ings voru það gest­irn­ir sem áttu síðasta orðið í leikn­um en á 87. mín­útu leiks­ins átti Mar­grét Árna­dótt­ir skot af ansi löngu færi sem endaði í inn­an­verðri stöng­inni og datt út í teig­inn og þar kom Hild­ur Anna Birg­is­dótt­ir skokk­andi og setti bolt­ann í autt markið og kláraði þetta fyr­ir gest­ina. Loka­töl­ur í Vík­inni 4:1 fyr­ir Þór/​KA.

Næsta um­ferð í Bestu deild kvenna hefst strax á mánu­dag­inn en þá mæt­ir Þór/​KA liði Tinda­stóls í Bog­an­um klukk­an 16:00 en Vík­ing­ur heim­sæk­ir Stjörn­una í Garðabæ­inn þriðju­dags­kvöldið 22. apríl klukk­an 18:00.

Vík­ing­ur R.	1:4	Þór/​KA	Opna lýs­ingu Loka
90. mín. Leik lokið +3 - Þessu er lokið hér í Vík­inni og loka­töl­ur eru 4:1 fyr­ir Þór/​KA. Sann­fær­andi sig­ur hjá gest­un­um.
Augna­blik — sæki gögn...

• Blogga um frétt