„Við erum staðráðnar í að gera bet­ur en síðustu ár,“ sagði landsliðskon­an Sandra María Jessen, fyr­irliði Þórs/​KA, í sam­tali við mbl.is. 

Þór/​KA hef­ur und­an­far­in tíma­bil átt í erfiðleik­um með toppliðin tvö Breiðablik og Val. Mark­miðið er að gefa þeim erfiðari leiki og vera nær þeim í deild­inni. 

„Við ætl­um að gera allt sem við get­um til að gefa þeim al­vöru leik. Öll lið byrja með núll stig og það er ekk­ert sem seg­ir að við get­um ekki strítt þess­um liðum og átt í góðum leikj­um við þau.

Við för­um inn í þessa leiki til að vinna og það væri metnaðarleysi að fara ekki með það hug­ar­far. Við erum staðráðnar í því að gera bet­ur í þess­um leikj­um en und­an­far­in ár.

Við höf­um átt leiki sem eru ekki góðir gegn þeim og inn á milli leiki þar sem við sýn­um úr hverju við erum gerðar og ná­lægt því að vinna þessi lið. Við ætl­um að hafa alla leik­ina góða,“ sagði Sandra María. 

Allt mögu­legt í þessu

Til­finn­ing­in hjá mörg­um fyr­ir mót er að deild­in verði aðeins jafn­ari í ár. Sandra María von­ar það, en fer samt var­lega í orðin.

„Er þetta ekki það sem maður seg­ir alltaf fyr­ir hvert ár, maður von­ar og býst við því að þetta verði jafn­ara. Núna eru mikl­ar breyt­ing­ar á liðum sem hafa unnið síðustu ár. Það er allt mögu­legt í þessu. Síðan hafa lið sem hafa verið um miðja deild und­an­far­in ár verið að styrkja sig og það leiðir að meiri sam­keppni. Þetta verður hörku­tíma­bil og gam­an að sjá hvernig deild­in byrj­ar,“ bætti Sandra María við. 

Þór/​​KA hafn­ar í 4. sæti sam­kvæmt spá Morg­un­blaðsins og mbl.is sem birt­ist í blaðinu sl. fimmtu­dag. Þór/​​KA heim­sæk­ir Vík­ing úr Reykja­vík í Foss­vog­inn í fyrstu um­ferð Bestu deild­ar­inn­ar í kvöld. 

Tengd­ar frétt­ir

Upp­hit­un í Bestu deild kvenna

Var fá­rán­lega erfitt

• Fram­herj­inn fór úr axl­arlið
• Stelp­urn­ar stór hluti af eig­in vel­gengni
• Meg­um ekki sofa á verðinum
• Erum svo spennt­ar

» Fleiri tengd­ar frétt­ir

• Blogga um frétt