Grátlegt að tapa þessu svona

Þór/​KA vann ör­ugg­an 4:1 sig­ur á liði Vík­ings í fyrstu um­ferð Bestu deild­ar kvenna í kvöld en leik­ur­inn fór fram í Vík­inni.

Berg­dís Sveins­dótt­ir, fyr­irliði Vík­ings í kvöld, var eðli­lega ekki sátt eft­ir leik­inn þegar blaðamaður mbl.is tók hana tali.

„Þetta var bara ansi svekkj­andi. Við bara mætt­um ekki til leiks. Virki­lega grát­legt að tapa þess­um fyrsta leik svona. Við vor­um ekki að spila okk­ar bolta og vor­um ekki mætt­ar í bar­átt­unni. Þegar það ger­ist í þess­um fót­bolta þá ger­ast svona hlut­ir.

Við þurf­um klár­lega að vinna ná­vígi og það er það sem við ætl­um að gera í næsta leik. Við þurf­um betra hug­ar­far, við verðum að gefa allt í þetta til að fá þrjú stig. Við vor­um ekki mætt­ar til leiks í kvöld og það var fyrst og fremst hug­ar­farið sem var ekki í lagi.

Við eig­um Stjörn­una í næsta leik og við ætl­um að gera bet­ur í þeim leik. Þetta var ekki boðlegt,” sagði Berg­dís Sveins­dótt­ir að lok­um.

• Blogga um frétt