Rós­ey Björg­vins­dótt­ir, fyr­irliði Fjarðabyggðar/​Hatt­ar/​Leikn­is, er spennt fyr­ir kom­andi tíma­bili í Bestu deild­inni. Aust­ur­land á lið í efstu deild í fyrsta skipti frá því Hött­ur lék þar árið 1994.

„Við erum mjög spennt­ar og það er mik­il til­hlökk­un í hópn­um. Við erum klár­ar að byrja þetta. Það er allt of langt síðan lið frá Aust­ur­landi var í efstu deild og það er geggjað að ná þessu,“ sagði Rós­ey í sam­tali við mbl.is.

FHL vann 1. deild­ina með sann­fær­andi hætti á síðustu leiktíð og Rós­ey naut þess mjög að spila með liðinu.

„Þetta var ógeðslega skemmti­legt í fyrra. Maður hlakkaði til að mæta á æf­ing­ar og í leiki og það var allt rosa­lega skemmti­legt. Maður er ótrú­lega stolt­ur af þessu af­reki og maður sér að þetta skipt­ir máli fyr­ir fólkið í sam­fé­lag­inu, sem er dug­legt að hrósa manni,“ sagði hún.

Liðið var í 2. deild árið 2020 og hef­ur verið mik­ill upp­gang­ur fyr­ir aust­an. „Um­gjörðin í kring­um liðið hef­ur verið góð. Svo kom Björg­vin Karl inn í þetta og hef­ur gert góða hluti. Sam­bland af því hef­ur lyft okk­ur á hærri stall,“ sagði hún.

Rós­ey yrði ánægð með að halda sæt­inu í efstu deild en þjálf­ar­inn Björg­vin Karl Gunn­ars­son, kallaður Kalli, vill meira.

„Hjá mér er mark­miðið að halda okk­ur uppi. Við sjá­um svo hvort við setj­um okk­ur stærri mark­mið þegar líður á tíma­bilið. Ég veit að Kalli set­ur mark­miðin hátt, hann hef­ur talað um efri hlut­ann. Fyrsta mark­mið er samt að halda sér uppi,“ sagði hún.

FHL var spáð 10. og neðsta sæt­inu í spá Morg­un­blaðsins sem birt var í fimmtu­dags­blaðinu. Liðið byrj­ar æv­in­týrið í Bestu deild­inni á úti­velli gegn Tinda­stóli í kvöld klukk­an 18.

Frétt af mbl.is

Það var högg að missa þær

Frétt af mbl.is

Lang­besta veðrið og frá­bær fé­lags­skap­ur

Tengd­ar frétt­ir

Upp­hit­un í Bestu deild kvenna

Var fá­rán­lega erfitt

• Eitt­hvað sem maður seg­ir fyr­ir hvert ár
• Fram­herj­inn fór úr axl­arlið
• Stelp­urn­ar stór hluti af eig­in vel­gengni
• Meg­um ekki sofa á verðinum

» Fleiri tengd­ar frétt­ir

• Blogga um frétt