Baráttan um Bauhaus

Magnús Már Ein­ars­son, þjálf­ari Aft­ur­eld­ing­ar, var að von­um sátt­ur er hann mætti í viðtal til mbl.is eft­ir 1:0-sig­ur liðsins gegn Vík­ingi í Bestu deild karla í kvöld.

„Mér fannst verðskulda sig­ur­inn, auðvitað er ég hlut­dræg­ur, en þetta er geggjuð liðsheild og frá­bær trú. Það er það sem upp­skar þetta. Mikið hrós á strák­ana og stuðning­ur­inn í stúk­unni var geggjaður, það hjálpaði okk­ur að halda hreinu þannig til­finn­ing­in er bara frá­bær,“ sagði Magnús í viðtali við mbl.is eft­ir leik.

Spila­mennska Aft­ur­eld­ing­ar var ekki frá­bær í fyrstu tveim­ur leikj­um en liðið tapaði fyr­ir Breiðablik í fyrstu um­ferð, 1:0, og gerði marka­laust jafn­tefli við ÍBV í ann­arri um­ferð.

„Við vor­um ekki ánægðir með spila­mennsk­una í fyrstu tveim­ur leikj­un­um og fannst við vera að spila und­ir pari. Menn kannski aðeins of mikið inni í skel­inni, komn­ir á stærra svið og ennþá að venj­ast því. 

En ég held að menn séu bún­ir að átta sig á því að þetta mót eru 27 leik­ir og að þeir þurfa að mæta í leik klár­ir. Menn held ég hafi sleppt fram af sér beisl­inu í dag og sýnt hvað þeir geta.“

Aft­ur­eld­ing mæt­ir Fram í Úlfarsár­daln­um í næstu um­ferð á mánu­dag­inn.

„Fram er með gott lið og þetta er hörku­leik­ur, ná­granna­slag­ur, bar­átt­an um Bauhaus. Það verður stutt að fara fyr­ir stuðnings­menn okk­ar og von­andi mæta þeir á völl­inn og gefa okk­ur orku eins og í kvöld. Við þurf­um strax að und­ir­búa þenn­an leik núna. Við vilj­um meira þannig við verðum að vera klár­ir í bát­ana á mánu­dag­inn,“ sagði Magnús að lok­um.

• Blogga um frétt