Fáum barnalegt mark á okkur

„Ég er hrika­lega ósátt­ur með þetta,“ sagði Sölvi Geir Ottesen eft­ir 1:0-tap sinna manna gegn Aft­ur­eld­ingu í Bestu deild karla í knatt­spyrnu í kvöld.

„Mér fannst við alls ekki spila nógu góðan leik. Við vor­um ekki nógu klín­ísk­ir þegar við vor­um með bolt­ann. Við feng­um fín­ustu færi í byrj­un leiks til að koma okk­ur yfir en nýtt­um þau ekki.

Síðan fékk Aft­ur­eld­ing smá trú á verk­efn­inu. Þeir héngu inni í leikn­um og voru að skapa smá usla úr aðallega inn­köst­um. Ég held að þeir hafi tekið 20 mín­út­ur í inn­köst sem drap niður hraða leiks­ins,“ sagði Sölvi í viðtali við mbl.is eft­ir leik.

Eina mark leiks­ins kom úr víta­spyrnu en Oli­ver Ekroth braut á Hrann­ari Snæ Magnús­syni í víta­teign­um sem var slopp­inn einn í gegn. Hrann­ar fór sjálf­ur á punkt­inn og skoraði.

„Við fáum barna­legt mark á okk­ur þar sem við vor­um bún­ir að fara yfir hlut­ina og hvernig ætti að verj­ast Aft­ur­eld­ingu og það klikk­ar. Við gal­opn­um vörn­ina og vor­um of ákaf­ir að fara í pressu á menn og opn­um svæði á bakvið okk­ur. 

Ósátt­ur líka með hvernig við brugðumst við mark­inu. Fannst við hefðum getað haldið meiri ró og fundið bet­ur stöður fyr­ir fyr­ir­gjaf­irn­ar og þær sókn­ir sem við vor­um að koma okk­ur í. Vor­um full fljót­ir að senda fallhífar­bolta inn í teig og vona það besta,“ bætti Sölvi við.

Vík­ing­ur hef­ur nú tapað tveim­ur leikj­um í röð en liðið mátti þola 3:0-tap gegn ÍBV í bik­arn­um í síðustu viku.

„Við þurf­um að gera bet­ur en við erum að gera. Það er ekk­ert laun­ung­ar­mál, við þurf­um bara að spila bet­ur og gera hlut­ina bet­ur. Við þurf­um að mæta miklu grimm­ari í leik og meira með kass­ann úti því í dag var mikið af mis­heppnuðum send­ing­um sem ég er ekki van­ur að sjá hjá liðinu. Þannig við þurf­um að fara á teikni­borðið,“ sagði Sölvi

Fé­laga­skipta­glugg­inn er ennþá op­inn, eruð þið eitt­hvað að skoða að styrkja ykk­ur?

„Vissu­lega erum við alltaf að skoða hvort það séu ein­hverj­ir mögu­leik­ar. Við mun­um sjá hvernig það lít­ur út en það er ekk­ert á borðinu akkúrat núna.“

Vík­ing­ur fær Val í heim­sókn í næstu um­ferð í Reykja­vík­urslag.

„Það er stutt í næsta leik þannig við get­um þá farið að setja þenn­an leik á bakvið okk­ur og reynt að ná í góða frammistöðu og koma okk­ur aft­ur af stað,“ sagði Sölvi að lok­um.

• Blogga um frétt