Ísland aldrei séð svona gott markvarðarteymi

„Maður vill alltaf taka þrjú stig,“ sagði Stefán Þór Ágústs­son markvörður Vals eft­ir 1:1-jafn­tefli við Vík­ing á heima­velli í 4. um­ferð Bestu deild­ar­inn­ar í fót­bolta.

Frétt af mbl.is

Tvö víti og stig­un­um skipt á Hlíðar­enda

„Í þess­um topp­leikj­um get­um við samt sætt okk­ur við jafn­tefli, þótt við vilj­um alltaf vinna. Að vinna leik­ina sem við eig­um að vinna tel­ur mest í lok­in,“ sagði Stefán.

Hann var ánægður með frammistöðu Vals í leikn­um í kvöld.

„Við vor­um geggjaðir, all­ir. Þeir sem komu inn á líka. Við bjugg­um til fullt af fær­um og þetta var geggjuð liðsframmistaða. Bjarni bjargaði á línu í lok­in og ég gæti ekki verið sátt­ari við strák­ana,“ sagði hann.

Stefán hef­ur nýtt tæki­færið í upp­hafi tíma­bils vel en hann hef­ur varið mark Vals þar sem Ögmund­ur Krist­ins­son er að glíma við meiðsli. Stefán kom til Vals frá Sel­fossi fyr­ir síðasta tíma­bil og hef­ur leikið fimm leiki í efstu deild, fjóra þeirra á þessu tíma­bili.

„Ég reyni að nýta tæki­færið þegar Túfa vel­ur mig í liðið. Ég er sátt­ur og geri mitt. Ég þekki mitt hlut­verk hérna og geri það eins vel og ég get,“ sagði hann.

Stefán bjargaði stigi fyr­ir Val með stór­glæsi­legri markvörslu í blá­lok­in þegar Vikt­or Örlyg­ur Andra­son virt­ist vera að tryggja Vík­ingi sig­ur­inn.

„Þetta var geggjuð varsla. Þetta er ástæðan fyr­ir því að maður er í marki. Það eru þessi augna­blik,“ sagði hann.

Val­ur samdi við Frederik Schram á nýj­an leik á dög­un­um og fær Stefán því verðuga sam­keppni það sem eft­ir lif­ir tíma­bils.

„Frederik er toppmaður og frá­bær markvörður. Ég held Ísland hafi aldrei séð svona gott markv­arðart­eymi. Það er heiður að fá að vinna með þeim Ömma alla daga,“ sagði Stefán.

• Blogga um frétt