3. umferð: Fimm náðu stórum áföngum
Setja bókamerki
Fimm leikmenn í Bestu deild kvenna í fótbolta náðu stórum áföngum á ferlinum í þriðju umferð deildarinnar sem lauk með tveimur leikjum í gærkvöld.
Elísa Viðarsdóttir, fyrirliði Vals, lék sinn 250. deildaleik á ferlinum þegar Valur vann Þór/KA 3:0 á sunnudaginn. Hún er 29. knattspyrnukonan frá upphafi sem nær þeim leikjafjölda en landsliðskonurnar Dagný Brynjarsdóttir (259) og Guðrún Arnardóttir (251) eru báðar nýbúnar að ná honum.
Af þessum leikjum hjá Elísu er 171 leikur í efstu deild hér á landi með Val og ÍBV og 41 leikur með Kristianstad í sænsku úrvalsdeildinni.
Heiðdís Lillýjardóttir, varnarmaður Breiðabliks, lék sinn 200. deildaleik á ferlinum þegar Blikar unnu Fram 7:1 og hún hélt upp á það með því að skora fyrsta mark leiksins. Af þessum leikjum eru 129 í efstu deild hér á landi með Breiðabliki og Selfossi en fyrstu 60 leikina lék Heiðdís með Hetti í 1. deild.
María Eva Eyjólfsdóttir úr Þrótti lék sinn 150. leik í efstu deild þegar lið hennar vann Víking 1:0 í Fossvogi í gærkvöld. Af þeim eru 59 fyrir Þrótt, 58 fyrir Stjörnuna og 33 fyrir Fylki.
Arna Eiríksdóttir lék sinn 100. leik í efstu deild þegar FH vann FHL 3:1 á sunnudaginn og hún hélt upp á það með því að skora tvö marka Hafnarfjarðarliðsins. Leikirnir eru 19 fyrir HK/Víking, 19 fyrir Val, 16 fyrir Þór/KA og 46 fyrir FH.
Kristín Dís Árnadóttir lék sinn 100. leik í efstu deild hér á landi þegar Breiðablik vann Fram í gærkvöld. Allir hundrað leikirnir eru fyrir Breiðablik en Kristín hefur líka leikið 28 leiki í dönsku úrvalsdeildinni með Bröndby.
Aðalmeðferð í Krýsuvíkurmálinu hafin
Stefna á að afskrá Play af hlutabréfamarkaði
Þegar leikreglurnar virðast ekki eiga við
Stórafmæli en fjöldi áskorana fram undan
Kínversk sendinefnd slapp með skrekkinn
Hyggjast hætta öllu flugi til Norður-Ameríku
Katrín leiðir samevrópska nefnd WHO
„Þetta þarf að hafa einhverjar afleiðingar“