Notar Google Translate til að fylgjast með íslenskum miðlum

Eng­lend­ing­ur­inn Luke Rae er á sínu fimmta ári á Íslandi en hann hef­ur spilað með fjór­um knatt­spyrnuliðum hér­lend­is. 

Luke er leikmaður KR og hef­ur farið vel af stað í Bestu deild­inni á tíma­bil­inu. Hann er leikmaður apr­íl­mánaðar hjá Morg­un­blaðinu en valið er byggt á ein­kunna­gjöf blaðsins, M-gjöf­inni. 

Þetta er þriðja tíma­bil Lukes hjá KR en hann er einnig að þjálfa hjá fé­lag­inu. Luke er ekki kom­inn með tök á ís­lensk­unni og seg­ist eiga að vera betri í henni enn hann er. Þó er hann dug­leg­ur að fylgj­ast með ís­lensk­um miðlum og not­ar oft þýðing­ar­kerfið Google Translate til að aðstoða sig við lest­ur­inn. 

„Ef ég á að vera al­veg hrein­skil­inn ætti ís­lensk­an mín að vera mun betri en hún er. Ég les þó mbl.is og Vísi og fleiri miðla til að fylgj­ast með og nota jafn­vel Google Translate. 

Ég er líka að þjálfa yngri kyn­slóðina og það hjálp­ar mikið, ég er að verða betri í þessu,“ sagði Luke í sam­tali við mbl.is. 

Viðtal við Luke Rae um mánuðinn, breytta tíma hjá KR og veru hans á Íslandi hingað til með öðru birt­ist í Fimmtu­dags­blaðinu, á morg­un, og þar birt­ist einnig úr­valslið apr­íl­mánaðar hjá Morg­un­blaðinu og mbl.is. Þetta efni er einnig aðgengi­legt í app­inu Mogg­inn. 

• Blogga um frétt