Fyrsta mark Þórs Willumssonar

Íslenska U16-ára landslið pilta í fót­bolta mátti þola tap í víta­keppni gegn Tékklandi í loka­leik sín­um á móti á veg­um UEFA í Svíþjóð í dag.

Skildu liðin jöfn, 1:1, og réðust úr­slit­in því í víta­keppni. Þar skoraði Tékk­land úr þrem­ur spyrn­um gegn tveim­ur.

Þór And­er­sen Will­umsson, yngsti son­ur Will­ums Þórs Þórs­son­ar og bróðir at­vinnu­mann­anna Will­ums Þórs og Brynj­ólfs, skoraði mark Íslands, sem endaði í þriðja sæti móts­ins af fjór­um liðum.

Markið var það fyrsta sem Þór skor­ar í ís­lensku landsliðstreyj­unni, í þriðja leikn­um.

Svíþjóð og Sviss gerðu einnig jafn­tefli, 2:2, og þar vann Svíþjóð í víta­keppni. Tékk­ar unnu mótið með 7 stig, Svíþjóð og Ísland fengu 4 stig hvort og Sviss eitt stig.

• Blogga um frétt