Þróttur í toppbaráttu eftir sigur á Val

Reykja­vík­urliðin Val­ur og Þrótt­ur átt­ust við í 5. um­ferð Bestu deild­ar kvenna í fót­bolta á Hlíðar­enda í dag og lauk leikn­um með sigri Þrótt­ar 3:1.

Eft­ir leik­inn er Val­ur með 7 stig og Þrótt­ur er í topp­bar­áttu með 13 stig, jafn­mörg og Breiðablik á toppi deild­ar­inn­ar.

Valskon­ur byrjuðu leik­inn af mikl­um krafti og fóru strax að hóta marki. Á 15. mín­útu leiks­ins skoraði Lillý Rut Hlyns­dótt­ir með skalla eft­ir horn­spyrnu frá Önnu Rakel Pét­urs­dótt­ur.

Þrem­ur mín­út­um seinna þurfti Mol­lee Swift að taka á hon­um stóra sín­um þegar hún varði tví­veg­is frá Val. Fyrra skotið kom frá Jor­dyn Rhodes sem slapp ein inn fyr­ir vörn Þrótt­ar en Ragn­heiður Þór­unn Jóns­dótt­ir fylgdi skoti henn­ar eft­ir en Mol­lee varði aft­ur.

Þór­dís Elva Ágústs­dótt­ir jafnaði met­in á 35. mín­útu leiks­ins eft­ir fyr­ir­gjöf frá Mist Funa­dótt­ur. Staðan var 1:1. Eft­ir þetta sótti Þrótt­ur harðar að marki Vals og munaði minnstu að gest­irn­ir kæm­ust yfir fyr­ir hálfleik

Staðan í hálfleik var 1:1.

Skalla­bar­átta í víta­teig Þrótt­ar í kvöld. mbl.is/​Eyþór

Það voru ekki nema 22 sek­únd­ur liðnar af seinni hálfleik þegar Þrótt­ur komst yfir í leikn­um. Höf­um það í huga að það var Val­ur sem tók miðjuna í seinni hálfleik. Unn­ur Dóra Bergs­dótt­ir gaf bolt­ann fyr­ir markið eft­ir skynd­isókn og Freyja Karín Þor­varðardótt­ir skoraði með skalla. Staðan var 2:1 fyr­ir Þrótt.

Eft­ir þetta róaðist leik­ur­inn mikið. Val­ur var meira með bolt­ann en náði lítið að skapa sér færi. Á 75. mín­útu komst Natasha Anasi í dauðafæri en skot henn­ar var varið í horn.

Þrótt­ur jók for­yst­una á 80. mín­útu þegar Þór­dís Elva Ágústs­dótt­ir gaf bolt­ann glæsi­lega fyr­ir markið og þar mætti María Eva Eyj­ólfs­dótt­ir sem skaut föstu skoti upp í þak­netið. Staðan 3:1 fyr­ir Þrótt.

Valskon­ur reyndu hvað þær gátu til að minnka mun­inn en allt kom fyr­ir ekki og lauk leikn­um með sann­gjörn­um sigri Þrótt­ar.

Val­ur	1:3	Þrótt­ur R.	Opna lýs­ingu Loka
90. mín. Fjór­um mín­út­um bætt við venju­leg­an leiktíma.
Augna­blik — sæki gögn...

• Blogga um frétt