Við kýldum þær í magann

„Ég er mjög ánægður með liðið," sagði Ólaf­ur H. Kristjáns­son þjálf­ari Þrótt­ar við mbl.is eft­ir góðan útisig­ur, 3:1, á Val í fimmtu um­ferð Bestu deild­ar kvenna á Hlíðar­enda í kvöld.

„Við byrjuðum mjög lin­lega í leikn­um. Val­ur hafði ákveðið frum­kvæði og skoraði eft­ir horn­spyrnu. Síðan fannst mér við vaxa inn í hálfleik­inn þegar við vor­um með bolt­ann. Við upp­skár­um mark eft­ir góða bar­áttu.

Síðan var geysi­leg­ur kraft­ur í liðinu í seinni hálfleik og mér fannst við hafa mjög góða stjórn á leikn­um, bæði þær sem byrjuðu og þær sem komu inn á. Það var fram­lag frá öll­um þannig að ég er ánægður með frammistöðuna.“

Þið byrjið seinni hálfleik­inn á að skora mark eft­ir held ég 22 sek­únd­ur. Það er betra en í leikn­um á móti Tinda­stóli þar sem það voru 27 sek­únd­ur. Þið rotið Val með þessu marki, ekki satt?

„Við alla­veg­ana kýld­um þær í mag­ann og þær misstu svo­lítið pústið. Við vit­um það líka að eft­ir síðustu leik­ina á móti Tinda­stóli og Vík­ing­um erum við ör­ugg­ar varn­ar­lega. Liðið er með sjálfs­traust.“

Þegar við rædd­um sam­an eft­ir leik­inn á móti Tinda­stóli þá varstu ánægður með ör­ugg­an varn­ar­leik en talaðir um að þið væruð ekki að skora mikið af mörk­um. Í kvöld skorið þið þrjú mörk sem telst mjög gott í fót­bolta­leik.

„Það er mjög gott. Þau komu líka úr öll­um átt­um. Bakvörður, miðjumaður og fram­herji skora. Það er bara frá­bært. Þó svo að senter­arn­ir skori ekki mikið þá er fram­lagið hjá þeim frá­bært. Þrjú mörk og þrjú stig. Ég er ánægður með það,“ sagði Ólaf­ur í sam­tali við mbl.is.

• Blogga um frétt