Heiður að mæta til leiks með þeim

John Andrews, þjálf­ari Vík­inga, var að von­um svekkt­ur eft­ir 2:1-tap Vík­inga gegn Fram í Bestu deild kvenna í knatt­spyrnu í kvöld.

„Mér fannst við setja allt í leik­inn, mér fannst við stjórna leikn­um, vor­um á þeirra vall­ar­helm­ing mest­all­an leik­inn. Þær fengu nokkr­ar skynd­isókn­ir en við erum bara að ganga í gegn­um kafla þar sem hlut­irn­ir eru ekki að detta fyr­ir okk­ur. 

Við gef­umst aldrei upp og við mun­um ekki missa trúna því þetta er frá­bær hóp­ur. Við þurf­um núna eitt­hvað til að detta með okk­ur,“ sagði John í viðtali við mbl.is eft­ir leik.

„Þær skoruðu tvö mörk og við eitt, það er eins ein­falt og það. Við kom­umst í góðar stöður og við gerðum það mjög vel en við náðum ekki að koma bolt­an­um í netið svo kannski þurf­um við að bæta það. 

Stelp­urn­ar hafa verið frá­bær­ar á æf­ing­um, í fyr­ir­gjöf­um og af­greiðslu. Það er heiður að mæta til leiks með þeim í hverri viku. Hlut­irn­ir eru samt ekki að detta fyr­ir okk­ur og við þurf­um bara að bíða eft­ir því. Á meðan við bíðum eft­ir heppn­inni höld­um við áfram að vinna.“

Þrjú stig í fyrstu fimm leikj­un­um, það hlýt­ur að vera svekkj­andi fyr­ir ykk­ur?

„Já, þegar það kem­ur að stig­um er þetta svekkj­andi byrj­un. Í leikn­um gegn Þrótti vor­um við frá­bær­ar, í leikn­um gegn Breiðablik í síðustu viku vor­um við mjög góðar og í kvöld fannst mér við vera sterk­ar en lukk­an var ekki með okk­ur í liði,“ sagði Andrews.

Þið mætið Þrótti í Bik­arn­um á mánu­dag­inn, hvernig leggst leik­ur­inn í liðið?

„Þú veist hvernig ég er, ég get ekki beðið. Þetta er búið núna, við erum svekkt­ar eft­ir leik­inn en við höld­um bara áfram. Við get­um mögu­lega tekið smá pressu af okk­ur í deild­inni núna og notið þess á mánu­dags­kvöld,“ sagði Andrews að lok­um.

• Blogga um frétt