Taphrina Stjörnunnar á enda

Stjarn­an hafði bet­ur gegn Fram, 2:0, í sjöttu um­ferð Bestu deild­ar karla í knatt­spyrnu á heima­velli Stjörn­unn­ar í Garðabæ í kvöld.

Stjarn­an fór upp í sjötta sæti en fyr­ir leik­inn í dag var liðið í ní­unda sæti og hafði tapað þrem­ur leikj­um í röð. Fram fór niður í ní­unda sæti.

Fyrri hálfleik­ur var kafla­skipt­ur og bæði lið fengu fín færi. Bene­dikt V. Warén komst í frá­bært færi þegar stund­ar­fjórðung­ur var liðinn af leikn­um. Hann kom inn frá vinstri og fór í skot sem var á leiðinni inn en Þorri Stefán Þor­björns­son komst fyr­ir það.   

Vuk Osk­ar Dimitrij­evic átti skot eft­ir 20 mín­út­ur sem Árni Snær Ólafs­son varði vel frá hon­um af stuttu færi. Stuttu seinna fékk Simon flott færi en hann fór í skot hægra meg­in í teign­um en það fór rétt yfir.

Fyrra mark Stjörn­unn­ar kom á 42. mín­útu en það skoraði Emil Atla­son. Bene­dikt Warén kom með frá­bæra fyr­ir­gjöf á fjær, Emil var með páss og setti hann í fyrstu snert­ingu í markið og staðan var 1:0 í hálfleik.

Seinni hálfleik­ur var mjög ró­leg­ur en hættu­leg­asta færi Fram kom á 55. aín­útu þegar Már Ægis­son komst einn í gegn og skaut í stöng­ina.

Varamaður­inn Örvar Eggerts­son skoraði svo seinna mark Stjörn­unn­ar á 87. mín­útu og aft­ur var Bene­dikt með stoðsend­ing­una.

Hann kom inn á völl­inn og sendi bolt­ann út í teig­inn á Örvar sem setti hann í fyrstu snert­ingu með vinstri í vinstri vink­il­inn.

Stjarn­an	2:0	Fram	Opna lýs­ingu Loka
90. mín. +4 Fram fær auka­spyrnu nokkr­um metr­um fy­irr utan víta­teig og spyrn­an fer beint á Árna í mark­inu.
Augna­blik — sæki gögn...

• Blogga um frétt