Sigur fyrir Víkingsmömmurnar

„Það eru eng­in mörk gef­ins í fót­bolta, þú þarft alltaf að vinna þér inn fyr­ir þeim sama hvernig það er,“ sagði Sölvi Geir Ottesen, þjálf­ari Vík­ings eft­ir 3:1-sig­ur liðsins gegn FH í Bestu deild karla í kvöld.

„Mér fannst þetta spil­ast nokk­urn veg­inn eins og ég hélt, það var mik­il harka í leikn­um, eins og alltaf þegar við mæt­um FH þá er mik­il harka og mér finnst það skemmti­legt.

 Við vor­um orku­mikl­ir og öfl­ug­ir í ná­víg­um þannig ég er sátt­ur með þenn­an sig­ur þó að það sé margt sem við hefðum getað gert bet­ur í leikn­um. Eins og að nýta stöðurn­ar okk­ar á lokaþriðjungn­um aðeins bet­ur, vera aðeins meira klín­ísk­ir og koma okk­ur í fleiri færi,“ sagði Sölvi í viðtali við mbl.is eft­ir leik­inn.

Gylfi Þór með bolt­ann í kvöld. Ljós­mynd/​Krist­inn Steinn

Mörk­in sem Vík­ings­menn skoruðu í kvöld voru áhuga­verð. Fyrsta var eft­ir horn­spyrnu sem kom eft­ir að leikmaður FH sendi bolt­ann beint út af und­ir lít­illi pressu. Næsta mark kom eft­ir send­ingu á miðjuna, Vík­ing­ar settu pressu og bolt­inn lak í markið. Þriðja kom eft­ir send­ingu frá mark­manni FH beint á Daní­el Haf­steins­son.

„Við skor­um úr flottri horn­spyrnu, við erum góðir í horn­spyrn­um en FH-ing­ar eru góðir í að verj­ast þeim svo það er stórt kred­it á okk­ur að ná að skora úr horn­spyrnu gegn þeim.Svo er flott pressumó­ment þar sem við setj­um mikla pressu á mark­mann­inn og vinn­um bolt­ann en vissu­lega er kannski heppn­is­stimp­ill yfir þessu, sér­stak­lega marki núm­er tvö, en þetta er góð pressa.

Þeir vilja spila þetta upp­spil gegn okk­ur og við vor­um bara mætt­ir með miðju­menn­ina. Daní­el Haf­steins­son ger­ir vel og er mætt­ur þarna til að vinna hann, auðvitað kem­ur það fyr­ir að það er lé­leg send­ing og þá erum við til­bún­ir að þefa þær uppi.“

Sveinn Gísli Þorkels­son að fagna mark­inu sínu í kvöld. Ljós­mynd/​Krist­inn Steinn

Ekki langt í Ingvar

Pálmi Rafn Ar­in­björns­son var í marki Vík­ings í kvöld en Ingvar Jóns­son meidd­ist í síðasta leik.

„Ég býst ekki við því að það sé langt. Þetta var smá stíf­leiki fram­an á og við þurf­um bara að meta það. Ég í raun get ekki sagt það, ég þarf að spyrja sjúkraþjálf­ar­ann bet­ur að því.”

Pálmi Rafn Ar­in­björns­son var í marki í kvöld. Ljós­mynd/​Krist­inn Steinn

Vík­ing­ur er núna á toppi deild­ar­inn­ar með 13 stig.

„Það er frá­bært. Þetta var fyr­ir Vík­ings­mömm­urn­ar á mæðra­deg­in­um.

Það er frá­bært að vera á toppn­um en það er mikið eft­ir og við þurf­um að halda áfram að þróa okk­ar leik og bæta hann. Mér finnst við eiga alla­vega tvo gíra inni.”

Mat­hi­as Brinch Rosenorn og Ni­kolaj Han­sen í bar­áttu í kvöld. Ljós­mynd/​Krist­inn Steinn

• Blogga um frétt