„Ætluðum að refsa þeim og refsa þeim fast“

Davíð Smári Lamu­de þjálf­ari Vestra var stolt­ur af sínu liði eft­ir góðan sig­ur á Breiðabliki í 16 liða úr­slit­um bik­ar­keppni KSÍ á Kópa­vogs­velli í kvöld.

Hann hafði þetta að segja spurður að því hvað hafi skapað sig­ur Vestra í kvöld:

„Orka, kraft­ur, dugnaður og vilji. Við hlup­um meira, unn­um meira og mér fannst við skila því öllu hér í dag. Mér fannst Blikarn­ir aldrei ógna mark­inu okk­ar af neinu viti þrátt fyr­ir að þeir hafi verið að klappa bolt­an­um hérna í leikn­um. Leik­ur­inn spilaðist ná­kvæm­lega eins og við lögðum upp með.

Við ætluðum að refsa þeim og refsa þeim fast. Okk­ur tókst það. Okk­ur er al­veg sama þó svo að Blikarn­ir hafi verið meira með bolt­ann. Þetta snýst um að skora fleiri mörk og við gerðum það. Ég er bara ósátt­ur með að hafa ekki skorað fleiri.“

Frétt af mbl.is

Vestri sló Íslands­meist­ar­ana úr leik

Breiðablik jafn­ar strax í byrj­un seinni hálfleiks en ykk­ur tekst að kom­ast mjög fljót­lega aft­ur. Hversu mik­il­vægt var það upp á fram­haldið í leikn­um?

„Jú, það var extra sætt og mik­il­vægt en eins og ég sagði áðan þá hefðum við getað verið bún­ir að skora fleiri þegar það mark kom. En svo líka bara hrós á Breiðablik. Þeir settu allt í að reyna að jafna hérna í lok­in en þá hefðum við líka getað skorað fleiri mörk þar sem þeir voru opnaðir en okk­ur tókst því miður ekki að nýta það. Ég er gríðarlega stolt­ur af strák­un­um og öll­um þess­um stuðnings­mönn­um sem komu og studdu við bakið á okk­ur í stúk­unni.“

Í lok leiks slepp­ur Silas Dyl­an Song­ani hérna einn inn fyr­ir vörn Breiðabliks. Það sem kom kannski á óvart var að varn­ar­menn Blika áttu ekki mögu­leika á að elta hann uppi. Ykk­ur tókst að þreyta Blikana ansi vel í leikn­um, ekki satt?

„Jú, al­gjör­lega sam­mála því. Við náðum að sprengja Blikana svo­lítið og þeir þurfa að vera gríðarlega hraðir með færsl­urn­ar sín­ar á bolt­an­um. Við náðum að þreyta þá. Við fór­um líka yfir það fyr­ir leik að þeir hafa verið að fá svo­lítið af mörk­um á sig und­ir lok leikja. Þannig að við töluðum um að seinnipart leiks­ins væri okk­ar tími sama hvernig staðan væri. Það var þannig en því miður náðum við ekki að skora þrátt fyr­ir fær­in til þess.“

Vestri er komið í 8 liða úr­slit í bik­ar og er í topp­bar­áttu í Bestu deild­inni. Þetta er svo­lítið á skjön við spá hinna svo­kölluðu sér­fræðinga. Er þetta komið til að vera í sum­ar?

„Svo lengi sem við leggj­um allt sem við get­um í leik­ina, hlaup­um meira en and­stæðing­ur­inn og erum vilj­ugri og hug­rakk­ari en and­stæðing­ur­inn, þá get­um við unnið öll lið,“ sagði Davíð Smári í sam­tali við mbl.is.

• Blogga um frétt